ઉમરપાડા તાલુકા કોંગ્રેસના વિવિધ મોરચા પ્રમુખોની નિમણૂક પક્ષ દ્વારા કરવામાં આવતાં નવનિયુક્ત હોદ્દેદારોનું સન્માન કરી અગ્રણી આગેવાનોએ અભિનંદન આપ્યાં હતાં. તાલુકા કોંગ્રેસ બક્ષીપંચ મોરચાના પ્રમુખ પદે સોહનલાલ સેન, મહિલા મોરચાના પ્રમુખ પદે પ્રિયંકાબેન વસાવા, કોંગ્રેસ કિસાન મોરચાના પ્રમુખ પદે ફુકીયાભાઈ વસાવા, તાલુકા કોંગ્રેસ લઘુમતી મોરચાના પ્રમુખ પદે મહંમદ હનીફ, વિધાનસભા 156ના યૂથ ઇનચાર્જ પ્રમુખ તરીકે આનંદકુમાર વસાવાની વરણી કરવામાં આવી છે.
તાલુકા કોંગ્રેસ સમિતિના પ્રમુખ હરીશભાઈ વસાવા, મહામંત્રી હિતેશ પટેલ, રામસિંગભાઈ વસાવા, નટવરસિંહ વસાવા, ગંભીરભાઈ વસાવા, મૂળજીભાઈ પટેલ વગેરે કોંગ્રેસના આગેવાનોએ નવનિયુક્ત હોદ્દેદારોનું સન્માન કરી અભિનંદન આપ્યાં હતાં. ત્યારબાદ કોંગ્રેસના કાર્યકરો અને નવા હોદ્દેદારોને પક્ષનું સંગઠન કઈ રીતે મજબૂત બનાવી શકાય તે અંગેનો વિસ્તૃત માર્ગદર્શન આગેવાનો દ્વારા આપવામાં આવ્યું હતું. આવનારી વિધાનસભાની ચૂંટણીમાં કોંગ્રેસ પક્ષનો વિજય થાય તે માટે કાર્યકરોને અત્યારથી જ કામે લાગી જવા માટે અનુરોધ આગેવાનો દ્વારા કરવામાં આવ્યો હતો.
