વિમાનના ઉતરાણ સમયે રનવે ક્લિયર રાખવામાં આવે છે. જેથી વિમાનો કોઈ સમસ્યા વિના સરળતાથી રનવે પર ઉતરી શકે પરંતુ જો સામેથી બીજું વિમાન આવે તો તે ખૂબ જ ચિંતાજનક પરિસ્થિતિ બની જાય છે. અમેરિકાના શિકાગો એરપોર્ટના રનવે પર આવી જ ડરાવનારી સ્થિતિ બની હતી.
આજે મંગળવારે તા. 26 ફેબ્રુઆરીની સવારે શિકાગોમાં રનવે પર બે વિમાનો સામસામે આવી જતા લોકોના જીવ અદ્ધર થઈ ગયા હતા. જોકે, પાયલોટે સમજદારી દાખવીને અકસ્માત ટાળ્યો હતો.
આજે સવારે સાઉથવેસ્ટ એરલાઇન્સનું એક વિમાન એરપોર્ટ પર ઉતરી રહ્યું ત્યારે પાઇલટે રનવે પર બીજું વિમાન જોયું. આવી સ્થિતિમાં પાઇલટે થોડીક સેકન્ડોમાં જ નક્કી કરવાનું હોય છે કે તેણે વિમાન ઉતારવું છે કે લોકોના જીવ બચાવવા છે. જે પછી પાઇલટ જીવન બચાવવાનો નિર્ણય લે છે. આ ઘટનાના વીડિયો પર યુઝર્સ પણ જોરદાર પ્રતિક્રિયા આપી રહ્યા છે.
આ વીડિયોમાં એક વિમાન આકાશમાં ઉડતું અને એરપોર્ટ રનવે પર ઉતરતું જોઈ શકાય છે. પરંતુ જ્યારે વિમાન રનવે પર ઉતરી રહ્યું હતું, ત્યારે પાઇલટ બીજા વિમાનને રનવે પરથી પસાર થતું જુએ છે. જેના કારણે તે તરત જ વિમાનને આકાશ તરફ ઉડાવી દે છે. જેના કારણે કોઈ મોટી દુર્ઘટના બનતી નથી.
પાયલોટની સતર્કતા અને સમજણને કારણે મોટી દુર્ઘટના ટળી ગઈ. લગભગ 24 સેકન્ડની ક્લિપ આ સાથે સમાપ્ત થાય છે. સાઉથવેસ્ટ એરલાઇન્સના પાઇલટે જે કર્યું છે તેના દરેક લોકો પ્રશંસા કરી રહ્યા છે. પરંતુ કોમેન્ટ સેક્શનમાં યુઝર્સ એમ પણ કહી રહ્યા છે કે આવું પહેલા પણ ઘણી વખત બન્યું છે. જેના કારણે લોકો વિમાનમાં બેસીને પણ અસુરક્ષિત અનુભવી રહ્યા છે. એક યુઝરે લખ્યું: સાઉથવેસ્ટે પાઇલટને ટક્કરથી બચાવવા બદલ પગાર વધારો અને મેડલ આપવો જોઈએ.
બીજા એક યુઝરે કહ્યું કે આ ફક્ત પાઇલટની બુદ્ધિ છે અને બીજું કંઈ નહીં. બીજા એક યુઝરે લખ્યું કે આ સંપૂર્ણપણે અસ્વીકાર્ય છે! સમય પસાર થઈ રહ્યો છે તે ચિંતાજનક છે. કારણ કે મેં છેલ્લા કેટલાક વર્ષોમાં નજીકના મિસમાં નોંધપાત્ર વધારો જોયો છે. દક્ષિણપશ્ચિમના પાઇલટ્સે પાછળ ફરીને શું થઈ રહ્યું છે તે જોવાનું સારું કામ કર્યું.
