જ્યોર્જિયાથી ભારત માટે ખરાબ સમાચાર આવ્યા છે. પ્રાપ્ત માહિતી અનુસાર જ્યોર્જિયાના ગુડૌરી સ્થિત એક હિલ રિસોર્ટમાં 11 ભારતીય નાગરિકોના મોત થયા છે. પૂર્વ સોવિયત દેશમાં સ્થાનિક મીડિયાના અહેવાલો અનુસાર પ્રારંભિક અહેવાલો અનુસાર ઝેરી કાર્બન મોનોક્સાઇડ ગેસના કારણે 11 ભારતીય લોકોના મોત થયા હોઈ શકે છે.
ભારતીય દૂતાવાસે નિવેદન જારી કર્યું
જ્યોર્જિયાની રાજધાની ત્બિલિસીમાં ભારતીય દૂતાવાસે ગુડૌરીમાં અગિયાર ભારતીય નાગરિકોના કમનસીબ મૃત્યુ વિશે જાણવા પર શોક વ્યક્ત કર્યો છે. દૂતાવાસે મૃતકોના પરિવારજનો પ્રત્યે ઊંડી સંવેદના વ્યક્ત કરી છે. ભારતીય દૂતાવાસે કહ્યું કે દૂતાવાસ સ્થાનિક સત્તાવાળાઓ સાથે મળીને કામ કરી રહ્યું છે જેથી કરીને મૃતદેહોને જલદી પરત મોકલી શકાય. જ્યોર્જિયામાં ભારતીય દૂતાવાસે 16 ડિસેમ્બરના રોજ એક નિવેદનમાં જણાવ્યું હતું કે અમે શોકગ્રસ્ત પરિવારો સાથે પણ સંપર્કમાં છીએ. શક્ય સહાય પૂરી પાડવા માટે પ્રતિબદ્ધ છીએ.
જ્યોર્જિયાના ગુડૌરીના હિલ રિસોર્ટમાં કુલ 12 લોકોના મૃતદેહ મળી આવ્યા હતા જેમાંથી 11 ભારતીય હતા. માહિતી અનુસાર જ્યોર્જિયાના આંતરિક બાબતોના મંત્રાલય દ્વારા એક નિવેદન જારી કરવામાં આવ્યું છે કે પીડિતોમાંથી કોઈ પર હિંસા કે શારીરિક ઈજાના કોઈ નિશાન નથી. મૃત્યુનું ચોક્કસ કારણ જાણવા ફોરેન્સિક ટેસ્ટ પણ કરાવવામાં આવ્યો છે.
મળતી માહિતી મુજબ રેસ્ટોરન્ટના બીજા માળે રેસ્ટ એરિયામાં ભારતીય નાગરિકોના મૃતદેહ મળી આવ્યા હતા. બધા ત્યાં કામ કરતા હતા. તમને જણાવી દઈએ કે ગુડૌરી જ્યોર્જિયામાં ગ્રેટર કાકેશસ પર્વતમાળા પર સ્થિત એક લોકપ્રિય સ્કી રિસોર્ટ છે. આ મામલે તપાસની કાર્યવાહી કરવામાં આવી રહી છે.
