ઇઝરાયલે તેહરાન, ઇસ્ફહાન અને દક્ષિણ ઈરાનમાં હુમલાઓ શરૂ કર્યા. આ હુમલાઓ ત્યારે થયા જ્યારે હજારો લોકો નવા સુપ્રીમ લીડર મોજતબા ખામેનીને સમર્થન આપવા માટે તેહરાનમાં એકઠા થયા હતા. ઇઝરાયલી સંરક્ષણ દળે આતંકવાદી શાસનના માળખા પર હુમલાઓની પુષ્ટિ કરી. બીજી તરફ મુજતબા ખામેની પ્રત્યે ટ્રમ્પે નારાજગી વ્યક્ત કરી છે. જે બાદ મુજતબાના સમર્થનમાં તેહરાન ખાતે હજારો ઈરાનીઓ ટોળે વળ્યા હતા.
ઇઝરાયલે આજે ઈરાનના અનેક ભાગોમાં શ્રેણીબદ્ધ હુમલાઓ શરૂ કર્યા. આ હુમલાઓ તેહરાન, ઇસ્ફહાન અને દક્ષિણ ઈરાનમાં કરવામાં આવ્યા હતા. ઈરાનના નવા સુપ્રીમ લીડર મોજતબા ખામેનીને સમર્થન આપવા માટે તેહરાનના સેન્ટ્રલ સ્ક્વેરમાં હજારો લોકો એકઠા થયા ત્યારે આ હુમલાઓની જાહેરાત કરવામાં આવી હતી.
ઇઝરાયલી સંરક્ષણ દળે આ સંદર્ભમાં એક નિવેદન જારી કરીને કહ્યું હતું કે IDF એ હમણાં જ તેહરાન, ઇસ્ફહાન અને દક્ષિણ ઈરાનમાં આતંકવાદી શાસનના માળખા પર મોટા પાયે હુમલાઓ શરૂ કર્યા છે. આયાતુલ્લા ખામેનીના મૃત્યુ પછી તેમના પુત્ર મુજતબા ખામેનીને ઈરાનના સુપ્રીમ લીડર તરીકે ચૂંટવામાં આવ્યા હતા. આ પછી તેહરાનના અંગલાબ સ્ક્વેરમાં મોજતબા અને ઈરાની ધ્વજના ચિત્રો લઈને એક વિશાળ ભીડ એકઠી થઈ ગઈ. ઈરાનના સર્વોચ્ચ નેતાની પસંદગી કરતી સંસ્થાએ આ 56 વર્ષીય ગુપ્ત ધર્મગુરુને સર્વોચ્ચ નેતા તરીકે જાહેર કર્યા છે.
નિષ્ણાતો કહે છે કે મુજતબા ખામેનીના ઈરાનના રિવોલ્યુશનરી ગાર્ડ્સ કોર્પ્સ સાથે ગાઢ સંબંધો છે અને ક્યારેય કોઈ રાજકીય પદ સંભાળ્યા ન હોવા છતાં તેઓ ઈરાની રાજકારણમાં પડદા પાછળ નોંધપાત્ર પ્રભાવ ધરાવે છે. આયાતુલ્લા ખામેનીના મૃત્યુ પછી તેમને ઉત્તરાધિકારી માનવામાં આવ્યા હતા પરંતુ ઈરાને લાંબા સમય સુધી તેની જાહેરાત રોકી રાખી હતી. બીજી તરફ મુજતબાની સુપ્રીમ લીડર તરીકેને નિયુક્તથી ટ્રમ્પ નારાજ છે. ટ્રમ્પનું કહેવું છે કે મુજતબા યોગ્ય વ્યક્તિ નથી. ઈરાનના સુપ્રીમ લીડરની પસંદગી અમેરિકાના સલાહ સૂચનો બાદ થવી જોઈએ જેથી ઈરાનને યોગ્ય લીડર મળી શકે અને ઈરાનનો વિકાસ થાય.
