ગાંધીનગર: ગુજરાતમાં સતત ગરમીનો પારો ઉંચે જઈ રહયો છે ત્યારે હવે 24 કલાક પછી ગરમીમાં રાજયમાં રાહતના સમાચાર મળશે રાજયમાં આજે ગરમીનો પારો 45 ડિદ્રીએ પહોચ્યો હતો. હજુયે 24 કલાક સુધી રાજયમાં ગરમી રહેશે. જયારે 24 કલાક પછી ગરમીમાં 3 ડિગ્રી સુધી રાહત મળશે.
હવામાન વિભાગના વૈજ્ઞાનિકોના કહેવા મુજબ, રાજયમાં આવતીકાલ તા.18મી એપ્રિલ સુધી દરમ્યાન હિટ વેવનું યલ્લો એલર્ટ જારી કરાયુ છે. જેમાં ખાસ કરીને રાજકોટ અને કચ્છમાં ગરમીનો પારો 41થી 45 ડિગ્રીસુધી રહેશે. હવામાન વિભાગના જણાવ્યા અનુસાર ,રાજયના અન્ય શહેરો પૈકી અમદાવાદમાં 42 ડિ.સે., ડીસામાં 41 ડિ.સે., ગાંધીનગરમાં 41 ડિ.સે., વલ્લભ વિદ્યાનગરમાં 40 ડિ.સે.,વડોદરામાં 40 ડિ.સે., સુરતમાં 39 ડિ.સે., ભૂજમાં 41 ડિ.સે., નલિયામાં 35 ડિ.સે., કંડલા પોર્ટમાં 35 ડિ.સે., કંડલા એરપોર્ટ પર 45 ડિ.સે., અમરેલી 43 ડિ.સે., ભાવનગરમાં 39 ડિ.સે.,રાજકોટમાં 43 ડિ.સે.,સુરેન્દ્રનગરમાં 44 ડિ.સે., મહુવા 36 ડિ.સે., અને કેશોદમાં 37 ડિ.સે. જેટલું મહત્તમ તાપમાન નોંધાવવા પામ્યુ હતું.
