વડોદરા : વડોદરાના શહેરના ઈટોલા વિસ્તારમાં દીપડાએ રસ્તા પર એક સસલાનો શિકાર કરતો હતો ત્યારે ત્યાંથી પસાર થતાં એક ખેડૂતે મોબાઈલ કેમેરામાં વિડીયો ઉતારી લીધો હતો. જે વીડિયોને પગલે વિસ્તારમાં દિપડાે દેખાતા તેની ચિંતામાં ઇટોલા વિસ્તારનાં લોકોમાં ગભરાટનો માહોલ જોવા મળી રહ્યો છે. છેલ્લા ઘણા સમયથી માનવ વસ્તીની નજીક સિંહ, દીપડા જેવા વન્ય પ્રાણીઓ જોવા મળી રહ્યા છે. જંગલો જ્યારથી ઓછા થયા ત્યારથી આ પ્રાણીઓએ પણ માનવ વસ્તીની નજીક રહી જીવવાની કળા શિખવા લાગી છે તેવું કહી શકાય તેમાં પણ ખાસ કરીને દીપડા જે ઠંડા, ગરમ કે વરસાદી માહોલમાં પણ જોવા મળે છે. દીપડાએ ઇટોલા વિસ્તારના રસ્તામાં તરાપ મારીને સસલાનો શિકાર કર્યો હતો. જેનો વીડિયો ત્યાંથી પસાર થતા ખેડૂતે પોતાના કેમેરામાં ઉતારી લીધો હતો. આખરે આ ઘટનાને કારણે અહીંના ઇટોલા વિસ્તારનાં સ્થાનીકોમાં ભયનો માહોલ જોવા મળી રહ્યો છે.
વડોદરા શહેરની નજીક આવેલા એક ગામમાં અત્યંત ચોંકાવનારી ઘટના સામે આવી હતી. અત્યાર સુધી જંગલ વિસ્તારોમાં જોવા મળતા દિપડાની દહેશત હવે વડોદરાના છેવાડે આવેલા ઈંટોલા ગામમાં પણ જોવા મળી હતી. ગઈ કાલે મોડી રાત્રે ઈંટોલા ગામની સીમમાં એક હિંસક દિપડો જોવા મળ્યો હતો. દિપડાએ ત્યાં રહેલા એક સસલાનો શિકાર પણ કર્યો હતો. જેના દ્રશ્યો એક ખેડૂતે કેમેરામાં કેદ કર્યા હતા. વડોદરા શહેરની નજીક આવેલા ઈંટોલા ગામમાં દિપડો દેખાતા ચકચાર મચી જવા પામ્યો છે.
ઈંટોલા ગામની સીમમાં મોડી રાત્રે એક સ્થાનિક ખેડૂતે હિંસક દિપડાને સીમમાંથી પસાર થતા જોયો જેથી આ સમયે દિપડાએ સામેથી આવતા એક નિર્દોષ સસલાનો શિકાર કરતા આ સમગ્ર ઘટનાનો વીડિયો કેમેરામાં કેદ થઈ ગયો હતો.ગાઢ જંગલમાં હિંસક પ્રાણીઓ દ્વારા થતાં શિકારના દ્રશ્યો જેવું જીવંત દ્રશ્ય વડોદરાના પાદરે ઈંટોલા ગામની સીમમાં કેમેરામાં કેદ થયું હતું.હાલ આ ઘટનાનો વીડિયો સોશિયલ મીડિયામાં ભારે વાયરલ થયો છે.વડોદરા શહેર નજીક દીપડાની ઉપસ્થિતિ હાલ ચિંતાનો વિષય બની છે.દીપડો ક્યાંથી આવ્યો તે અંગે પણ વનવિભાગે તપાસ હાથ ધરી છે.
