નીતી આયોગની ગવર્નિંગ કાઉન્સિલની બેઠક ચાલી રહી છે. જેનું નેતૃત્વ વડા પ્રધાન નરેન્દ્ર મોદી ( narendra modi) કરી રહ્યા છે. વડાપ્રધાને નીતિ આયોગની ગવર્નિંગ કાઉન્સિલની છઠ્ઠી બેઠકને વીડિયો કોન્ફરન્સ ( video conferance) દ્વારા સંબોધન કર્યું હતું.
સભાને સંબોધન કરતાં વડા પ્રધાન મોદીએ કહ્યું કે આજે જ્યારે દેશ તેની આઝાદીના 75 વર્ષ પૂર્ણ કરવા જઈ રહ્યો છે, ત્યારે ગવર્નિંગ કાઉન્સિલની બેઠક વધુ મહત્ત્વની બની છે. હું રાજ્યોને વિનંતી કરીશ કે આઝાદીના 75 વર્ષ સુધી સમાજના તમામ લોકોને પોતપોતાના રાજ્યોમાં જોડીને સમિતિઓની રચના થવી જોઈએ.
વડા પ્રધાને કહ્યું કે કોરોના દરમિયાન આપણે જોયું છે કે દેશ અને સફળ બનાવવા કેન્દ્ર અને રાજ્ય સરકારોએ કેવી રીતે સાથે મળીને કામ કર્યું છે. તેનાથી વૈશ્વિક સ્તરે દેશની સકારાત્મક છબી ઊભી થઈ છે. ઘણા રાજ્યોએ ઝડપી ગતિએ વિકાસના કામ કર્યા છે. કેન્દ્ર-રાજ્યોએ સાથે મળીને કામ કરવું જોઈએ, વિકાસ એ મુખ્ય કાર્યસૂચિ હોવી જોઈએ.
મોદીએ કહ્યું કે સહકારી સંઘવાદને વધુ અર્થપૂર્ણ બનાવવો જોઈએ અને એટલું જ નહીં, આપણે ફક્ત રાજ્યો વચ્ચે જ નહીં પણ જિલ્લા કક્ષાએ પણ સ્પર્ધાત્મક સહકારી સંઘીયતા લાવવાનો પ્રયાસ કરવો પડશે જેથી વિકાસની સ્પર્ધા સતત ચાલુ રહે.
પીએમ મોદીએ કહ્યું કે વર્ષ 2014 થી ગ્રામીણ અને શહેરી ભારતમાં 24 કરોડથી વધુ મકાનો બનાવવામાં આવ્યા છે. બીજી પહેલ ચાલી રહી છે જેમાં આધુનિક ટેકનોલોજીવાળા ભારતના છ રાજ્યોમાં મકાનો બનાવવામાં આવી રહ્યા છે. થોડા મહિનામાં નવા મોડેલોથી મજબૂત મકાનો બનાવવામાં આવશે.
પીએમ મોદીએ કહ્યું, ‘આજે પણ કૃષિ દેશ કહેવાતા હોવા છતાં આપણે બહારથી 65,000-70,000 કરોડનું ખાદ્ય તેલ લઈએ છીએ. આપણે આ રોકી શકીએ છીએ,અને એ પૈસા આપણા ખેડૂતોના ખાતામાં જઈ શકે છે. અમારો ખેડૂત આ નાણાંનો હકદાર છે, પરંતુ આ માટે આપણે અમારી યોજનાઓ તે રીતે બનાવવી પડશે. આ માટે, ખેડૂતોને માર્ગદર્શન આપવાની જરૂર છે.
