કેપ્ટન અમરિંદર સિંહ ( captain amrindar sinh) સરકારે પંજાબમાં ( punjab) કરફ્યુનો (night curfew) સમય વધાર્યો છે, જ્યાં કોરોનાના વધતા જતા કેસો વચ્ચે નાઇટ કર્ફ્યુ લગાવાયો છે. હવે રાત્રે 11 વાગ્યાની જગ્યાએ રાત્રે 9 વાગ્યાથી બહાર નીકળવાની મનાઈ રહેશે. પ્રતિબંધ સવારે પાંચ વાગ્યા સુધી ચાલુ રહેશે. મુખ્ય પ્રધાન કેપ્ટન અમરિંદરસિંહે ગુરુવારે ચંદીગઢમાં આ માહિતી આપી હતી.
લુધિયાણા, પટિયાલા, મોહાલી, જલંધર, કપૂરથલા, રોપર, અમૃતસર, ફિરોઝપુર અને ફતેહગઢ સાહિબમાં કર્ફ્યુ લંબાવાયો છે. મુખ્યમંત્રીએ કહ્યું કે, જે જિલ્લાઓમાં કોરોનાના 100 થી વધુ કેસ છે ત્યાં નાઇટ કર્ફ્યુ રહેશે.
પંજાબમાં કોરોના વાયરસનો પ્રકોપ સતત વધી રહ્યો છે. રોગચાળાએ વધુ 35 લોકોનાં મોત નીપજ્યાં છે, જ્યારે 2039 નવા કેસ નોંધાયા છે. છેલ્લા 24 કલાક દરમિયાન જલંધર જિલ્લામાં મહત્તમ 277 નવા કેસ નોંધાયા છે. રાજ્યમાં કોરોના વાયરસથી મૃત્યુ પામેલા લોકોની સંખ્યા 6172 પર પહોંચી ગઈ છે. હાલમાં 13320 દર્દીઓને હોસ્પિટલોમાં દાખલ કરવામાં આવ્યા છે. તેમાંથી 283 દર્દીઓ ઓક્સિજન સપોર્ટ પર અને 27 વેન્ટિલેટર પર છે.
કેન્દ્રએ કહ્યું- આ ચિંતાજનક છે
કેન્દ્રીય આરોગ્ય સચિવ રાજેશ ભૂષણે કહ્યું કે પંજાબમાં ચેપનું પ્રમાણ હવે 6.8 ટકા છે. આ ચિંતાજનક છે. તેમણે કહ્યું કે આ બતાવે છે કે કોરોના માર્ગદર્શિકાનું યોગ્ય રીતે પાલન કરવામાં આવી રહ્યું નથી.
વડા પ્રધાન નરેન્દ્ર મોદી ( pm narendra modi) ની તમામ રાજ્યોના મુખ્યમંત્રીઓ સાથેની વર્ચ્યુઅલ બેઠક દરમિયાન પંજાબના મુખ્ય પ્રધાન કેપ્ટન અમરિન્દરસિંહે કડક પગલાના સમર્થનમાં કહ્યું હતું કે અમે નવી નીતિ બનાવી રહ્યા છીએ. કોરોના ( corona) સામે કડક પગલા લેવામાં આવશે. તેમણે કહ્યું કે માર્ચમાં દરરોજ વધતા પોઝિટિવ કેસનો દર 5 ટકા પર પહોંચી ગયો છે, જે જાન્યુઆરીમાં માત્ર 1 ટકા હતો.
તેમણે વડા પ્રધાનને સૂચન આપ્યું કે જે વિસ્તારોમાં સાપ્તાહિક પરીક્ષણના પરિણામો બે વાર સકારાત્મક હોવાનું જોવા મળે છે તેવા વિસ્તારોમાં તમામ વય જૂથો માટે રસીકરણ ફરજિયાત બનાવવી જોઈએ. કેપ્ટને કહ્યું કે દર પખવાડિયામાં વસ્તીના નાના ભાગને લક્ષિત રસીકરણો કરતા કોવિડને રોકવામાં આ પદ્ધતિ વધુ અસરકારક રહેશે.
