ગાંધીનગર: ઉત્તર – પૂર્વીયથી પૂ્વીય પવનના કારણે રાજયમાં હવે ધીરે ધીરે ઠંડીનો પારો નીચે ગગડી રહયો છે. આજે ગુરૂવારે રાજયમાં બે ડિગ્રી સુધી ઠંડીનો પારો નીચે ગગડી ગયો છે.આજે દિવસ દરમ્યાન કચ્છના નલિયામાં 10 ડિગ્રી ઠંડી નોંધાવવા પામી છે.
રાજયમાં હવે ઠંડી થોડીક વધવાની છે. ખાસ કરીને આગામી એક સપ્તાહની અંદર ઠંડીનો પારો હજુયે નીચે ગગડી જશે. આજે ગુરૂવારે રાજયમાં નલિયામાં ઠંડીનો પારો 10 ડિગ્રીએ પહોચ્યો હતો.
રાજયમાં આજે ઠંડીનો ચમકારો વધ્યો છે.
હવામાન વિભાગના સુત્રોએ કહયું હતું કે રાજયના અન્ય શહેરો પૈકી ભૂજમાં 14 ડિ.સે.,નલિયામાં 10 ડિ.સે.,કંડલા પોર્ટ પર 16 ડિ.સે.,કંડલા એરપોર્ટ પર 13 ડિ.સે., અમરેલીમાં 12 ડિ.સે., ભાવનગરમાં 16 ડિ.સે.,રાજકોટમાં 14 ડિ.સે.,સુરેન્દ્રનગરમાં 15 ડિ.સે.,મહુવામાં 14 ડિ.સે., કેશોદમાં 14 ડિ.સે., અમદાવાદમાં 16 ડિ.સે.,ડીસામાં 13 ડિ.સે., ગાંધીનગરમાં 15 ડિ.સે.,વલ્લભ વિદ્યાનગરમાં 17 ડિ.સે.,વડોદરામાં 13 ડિ.સે.,અને સુરતમાં 18 ડિ.સે.,અને દમણમાં 15 ડિ.સે. લધુત્તમ તાપમાન નોંધાવવા પામ્યું છે.
