આજે અઠવાડિયાના બીજા દિવસે શેરબજાર ભારે વધઘટ વચ્ચે સપાટ બંધ થયું. મંગળવારે BSE સેન્સેક્સ 32.81 પોઈન્ટના નજીવા વધારા સાથે 78,017.19 પર બંધ થયો. બીજી તરફ NSEનો નિફ્ટી 50 ઇન્ડેક્સ આજે 10.30 પોઈન્ટના વધારા સાથે 23,668.65 પોઈન્ટ પર બંધ થયો હતો. આજે શરૂઆતના કારોબાર દરમિયાન એક સમય એવો આવ્યો જ્યારે સેન્સેક્સ ઝડપથી વધીને 78,296.28 પોઈન્ટ અને નિફ્ટી 23,869.60 પોઈન્ટ પર પહોંચી ગયો. જોકે આ વધારો લાંબા સમય સુધી ટકી શક્યો નહીં અને વેચાણના દબાણને કારણે ભાવ ઘટવા લાગ્યા. તમને જણાવી દઈએ કે આ પહેલા પણ બજાર સતત 6 દિવસ સુધી સારા વધારા સાથે બંધ થયું હતું.
અલ્ટ્રાટેક સિમેન્ટના શેરમાં મોટો ઉછાળો
મંગળવારે સેન્સેક્સની 30 કંપનીઓમાંથી માત્ર 10 કંપનીઓના શેર વધારા સાથે લીલા નિશાનમાં બંધ થયા. જ્યારે બાકીની તમામ 20 કંપનીઓના શેર નુકસાન સાથે લાલ નિશાનમાં બંધ થયા. બીજી તરફ નિફ્ટી ૫૦ ની ૫૦ કંપનીઓમાંથી માત્ર ૧૬ કંપનીઓના શેર વધારા સાથે લીલા નિશાનમાં બંધ થયા હતા અને બાકીની ૩૪ કંપનીઓના શેર નુકસાન સાથે લાલ નિશાનમાં બંધ થયા હતા. આજે સેન્સેક્સ કંપનીઓમાં અલ્ટ્રાટેક સિમેન્ટના શેર સૌથી વધુ 3.32 ટકાના વધારા સાથે બંધ થયા જ્યારે ઝોમેટોના શેર સૌથી વધુ 5.57 ટકાના ઘટાડા સાથે બંધ થયા.
ઇન્ડસઇન્ડ બેંકના શેરમાં ભારે ઘટાડો
આ ઉપરાંત આજે બજાજ ફિનસર્વના શેર 2.16 ટકા, ઇન્ફોસિસ 1.71 ટકા, એક્સિસ બેંક 1.21 ટકા, ભારતી એરટેલ 0.98 ટકા, HDFC બેંક 0.94 ટકા, HCL ટેક 0.94 ટકા, હિન્દુસ્તાન યુનિલિવર 0.30 ટકા, TCS 0.29 ટકા અને એશિયન પેઇન્ટ્સના શેર 0.14 ટકાના વધારા સાથે બંધ થયા. બીજી તરફ, આજે ઇન્ડસઇન્ડ બેંકના શેર 5.09 ટકા, અદાણી પોર્ટ્સ 1.89 ટકા, સન ફાર્મા 1.42 ટકા, મહિન્દ્રા એન્ડ મહિન્દ્રા 1.39 ટકા, ICICI બેંક 1.34 ટકા, રિલાયન્સ ઇન્ડસ્ટ્રીઝ 1.23 ટકા, SBI 1.07 ટકા, ટાટા સ્ટીલ 1.04 ટકા, મારુતિ સુઝુકી 0.96 ટકા અને પાવર ગ્રીડ 0.84 ટકા ઘટીને બંધ થયા.
