નવી દિલ્હી: AI એટલે કે આર્ટિફિશિયલ ઈન્ટેલિજન્સ ની મદદથી શાળા, કોલેજ કે ઓફિસ વગેરેનું કામ ઝડપથી અને સચોટ રીતે કરી શકાય છે. પરંતુ શું તમે જાણો છો કે AI જલ્દી જ બીમારીને શોધી શકશે અને તે સારવારમાં પણ મદદ કરશે. આ વાત ગૂગલના (Google) ચીફ એક્ઝિક્યુટિવ ઓફિસર સુંદર પિચાઈએ (SundarPichai) કહી છે.
માઇક્રોબ્લોગિંગ સાઇટ ટ્વિટર (Twitter) પર એક વીડિયો સામે આવ્યો છે, જે ગૂગલની જૂની ઇવેન્ટનો છે. આ વીડિયોમાં સુંદર પિચાઈ ગૂગલ AIના ફીચર્સ જણાવી રહ્યા છે. આ સાથે તેમણે જણાવ્યું કે કેવી રીતે આ AI સિસ્ટમ મેડિકલ સેક્ટરમાં ક્રાંતિકારી બદલાવ લાવશે. હવે બિમારી જાણવા માટે એક્સ રે (Xray) કે એમઆરઆઈ (MRI), સીટી સ્કેનની (CityScan) જરૂર નહીં પડે માત્ર રેટિના સ્કેનથી (RatinaScan) રોગોની ખબર પડશે.
Google AI ટૂંક સમયમાં ઘણા ક્ષેત્રોને મજબૂત કરશે. સુંદર પિચાઈએ કહ્યું કે Google AIના ઊંડા વિશ્લેષણનો ઉપયોગ કરીને માત્ર આંખના રેટિનાને સ્કેન કરીને ઘણી બીમારીઓ (Disease) શોધી શકાય છે. આટલું જ નહીં તે રોગોની આગાહી પણ કરી શકે છે. આ માટે બ્લડ સેમ્પલ અને ચીરા વગેરે લગાવવાની જરૂર રહેશે નહીં.
એક્સ-રે અને સીટી સ્કેન કરવાની જરૂર નથી. માઈક્રોબ્લોગિંગ સાઈટ ટ્વિટર પર એક યુઝરે સુંદર પિચાઈનો વિડીયો શેર કર્યો અને લખ્યું કે હવે માત્ર આંખના સ્કેનથી જ ઘણી બીમારીઓ જાણી શકાય છે, જેના માટે હાલમાં સીટી સ્કેન, એમઆરઆઈ અને એક્સરે વગેરે કરવામાં આવે છે.
સુંદર પિચાઈએ કહ્યું કે માત્ર એક રેટિના સ્કેનથી ઉંમર, જૈવિક સેક્સ, ધૂમ્રપાનની આદત, ડાયાબિટીસ, BMI અને બ્લડ પ્રેશર વિશે માહિતી મળશે. વીડિયો અનુસાર દરેક માહિતીમાં બે વિકલ્પ આપવામાં આવ્યા છે, જેમાંથી એકમાં આગાહી અને વાસ્તવિક સ્થિતિ મળશે.
વીડિયોમાં કહેવામાં આવ્યું છે કે Google AI સાથે માત્ર એક ડૉક્ટર જ ઘણા મેડિકલ રિપોર્ટનું વિશ્લેષણ કરી શકશે. 24 કલાક કે 48 કલાક પછી દર્દીની સ્થિતિ શું હશે તેનો પણ ડૉક્ટર અંદાજ લગાવી શકશે. આવી સ્થિતિમાં, ડૉક્ટરની ભરતી કરવી સરળ બનશે.
