રવિવારે અહીં ઇંગ્લેન્ડ સામેની બીજી ટેસ્ટ મેચના બીજા દિવસની રમતના અંતે 249 રનની એકંદર લીડ સાથે ભારતીય ટીમે પોતાને કમાન્ડિંગ પોઝિશનમાં મૂકી દીધું છે. રમતના અંતે રોહિત શર્મા અને ચેતેશ્વર પૂજારા ક્રમશ 25 અને 7 રને બેટિંગ કરી રહ્યા છે, જ્યારે ઇંગ્લિશ બેટ્સમેનો રવિચંદ્રન અશ્વિન સામે ટકી શક્યા ન હતા અને આખી ઇનિંગ 134 રનમાં સમેટાઇ હતી.
એક દિવસમાં તેની બીજી ઇનિંગ્સમાં ભારતની ટીમ એક વિકેટ 54 પર પહોંચી હતી. સિનિયર ઓફ સ્પિનર અશ્વિનના પ્રયત્નોને કારણે ભારતે પ્રથમ દાવમાં 195 રનની જંગી લીડ લેતા ઇંગ્લેન્ડને પ્રથમ દાવમાં 134 રનમાં સમેટ્યું હતું. ભારતે પ્રથમ ઇનિંગમાં 329 રન બનાવ્યા હતા.
નવોદિત ડાબોડી સ્પિનર અક્ષર પટેલે બે વિકેટ ઝડપી હતી, જેમાં ઇંગ્લેન્ડના ઇન-ફોર્મ કેપ્ટન જો રૂટનો સમાવેશ થાય છે. રૂટ અક્ષર પટેલની ડેબ્યુ વિકેટ બન્યો હતો. મુખ્ય ફાસ્ટ બોલર ઇશાંત શર્માએ પણ બે વિકેટ ઝડપી હતી જ્યારે મોહમ્મદ સિરાજને એક વિકેટ મળી હતી. ઇંગ્લેન્ડ તરફથી વિકેટકીપર બેન ફોઇકસે 107 બોલમાં અણનમ 42 રન બનાવ્યા હતા, તેમ છતાં તેની ટીમના સાથીઓએ એમ.એ. ચિદમ્બરમ સ્ટેડિયમ ખાતે શરૂઆત માટે સંઘર્ષ કર્યો હતો.
અગાઉ રિષભ પંતના સાત ચોક્કા અને ત્રણ છગ્ગાની મદદથી 58 રન બાદ ભારત મોટા સ્કોર તરફ જાય તે પહેલા અન્ય વિકેટો પડી જતાં ભારતની ઇનિંગ 329 રનમાં સમેટાઇ હતી. ઇંગ્લેન્ડ તરફથી મોઇન અલીએ 128 રન આપીને 4 વિકેટ લીધી હતી જ્યારે ઓલી સ્ટોને 47 રન આપીને ત્રણ વિકેટ ઝડપી હતી.
એક પણ એકસ્ટ્રા રન નહીં, ઇંગ્લેન્ડે 66 વર્ષ જૂનો ભારતનો રેકોર્ડ તોડ્યો
ઇંગ્લેન્ડ સામેની પ્રથમ ટેસ્ટ મેચમાં ભારતનો પ્રથમ દાવ 329 રનના સ્કોર પર સમાપ્ત થયો. આ ઇનિંગની વિશેષતા એ હતી કે તેમાં એક પણ એકસ્ટ્રા રન નહોતો. ન તો બોલ, ન વાઇડ, ન બાય, ન લેગબાય. આ સાથે ઈંગ્લેન્ડની ટીમે ભારતીય ટીમનો 66 વર્ષ જુનો રેકોર્ડ તોડ્યો. 1955 માં લાહોરમાં રમાયેલી ટેસ્ટ મેચમાં ભારતીય ટીમે પાકિસ્તાનની 328 રનની ઇનિંગ્સમાં એક પણ વધારાનો રન આપ્યો ન હતો.
તે ઇનિંગ્સમાં ભારત તરફથી પોલી ઉમરીગર, ગુલાબરાય રામચંદ, ગુલામ અહેમદ, સુભાષ ગુપ્તે અને વિનુ માંકડે બોલિંગ કરી હતી. ઈંગ્લેન્ડે ભારતની ઇનિંગ્સમાં 95.5 ઓવર ફેંક્યા. ભારતીય ટીમે 1955માં પાકિસ્તાનની 328 રનની ઇનિંગ્સમાં 187.5 ઓવર ફેંકી હતી. સુભાષ ગુપ્તેએ તે ઇનિંગમાં 73.5 ઓવર ફેંકી હતી. તે જ સમયે, ગુલામ અહેમદે 46 અને વિનુ માંકડે 44 ઓવર બોલિંગ કરી હતી.
