સુરતઃ (Surat) શહેરના વરાછા વિસ્તારમાં ઘરની નીચે એમ્બ્રોઈડરીનું ખાતું ચલાવતા નરાધમ યુવકે ચાર વર્ષની બાળકીને અશ્લીલ ફોટા બતાવીને દુષ્કર્મ (Rape) આચર્યું હોવાની ઘટના પ્રકાશમાં આવી છે. પોલીસે (Police) નરાધમની ધરપકડ કરી ઘટનાની વધારે તપાસ હાથ ધરી છે.
વરાછા પોલીસ પાસેથી મળતી માહિતી મુજબ, વરાછામાં આવેલી એક સોસાયટીમાં રહેતા શ્રમજીવી પરિવારની ચાર વર્ષીય બાળકી ગત 19 મીએ સાંજના સમયે ઘરમાં એકલી હતી. ત્યારે તેમની ઘરની નીચે એમ્બ્રોઈડરીનું ખાતું ચલાવતો નરાધમ અશોક ભીખા મેનપરાએ બાળકીને એકલી જોઈ ઘરમાં ઘુસી ગયો હતો.
મગજમાં વિકૃતી ભરીને આવેલા નરાધમે માસૂમ બાળકીને પોતાના મોબાઈલમાં બિભત્સ ફોટા બતાવ્યા હતા. ત્યારબાદ તેના શરીરે અડપલા કરવા લાગ્યો હતો. નરાધમે બાળકીના હાથમાં ગુપ્તાંગ પકડાવી બાદમાં બાળકી સાથે દુષ્કર્મ કરી ત્યાંથી ભાગી ગયો હતો. થોડા સમય બાદ બાળકીની માતા ઘરે આવતા તેણીએ આ અંગે માતા-પિતાને જાણ કરી હતી. બાળકીની વાત સાંભળીને માતા-પિતા ચોંકી ગયા હતા.
માતા-પિતા વરાછા પોલીસ મથકે ફરિયાદ નોંધાવવા પહોંચ્યા હતા. વરાછા પોલીસે બાળકી સાથે દુષ્કર્મની ફરિયાદ નોંધી આરોપીને ઝડપી પાડ્યો હતો. પોલીસે બાળકીનું મેડિકલ ચેકઅપ કરાવવા માટે સ્મીમેર હોસ્પિટલમાં લઈ ગયા હતા. પોલીસે ઘટનાની વધારે તપાસ હાથ ધરી છે. શહેરના લગભગ છેલ્લા અઠવાડિયાથી એક પછી એક માસુમ અને નાની વયની બાળકીઓ હેવાનોની હવસનો શિકાર બની રહી છે. ત્યારે વધુ એક બનાવમાં વરાછા વિસ્તારમાં ઘરમાં એકલી રહેલી બાળકીને તેના ઘરની નીચે એમ્બ્રોઈડરી ખાતું ચલાવતા નરાધમે મોબાઈલમાં બિભત્સ ફોટા બતાવી બાળકી સાથે શારિરીક અડપલાં કરી બળાત્કાર ગુજાર્યો હતો. ઘટનાને પગલે વિસ્તારમાં ચકચાર મચી ગઈ હતી.
