સુરત: (Surat) છાપરાભાઠા ખાતે રહેતી પરિણીતાની સ્થાનિક વિસ્તારમાં રહેતા માથાભારે ભરવાડે છેડતી કરી હતી. પરિણીતાને (Married Woman) છાતીના ભાગે અડી છેડતી (Eve teasing) કરી હતી. પરિણીતાએ આ અંગે વિરોધ કરી બોલવા જતા ભરવાડે તેને લાકડાના ફટકાથી નિર્દયી રીતે ફટકારી હતી. જેને કારણે પરિણીતાને સારવાર માટે હોસ્પિટલમાં (Hospital) ખસેડવામાં આવી હતી. આ અંગે પરિણીતા દ્વારા ફરિયાદ કરાતા અમરોલી પોલીસે (Police) આ અંગે ગુનો દાખલ કરીને આરોપીને ઝડપી વધારે આગળની કાર્યવાહી હાથ ધરી છે.
અમરોલી પોલીસ પાસેથી મળતી માહિતી મુજબ, છાપરાભાઠા રોડ પર રહેતી પરિણીતા ગત 6 તારીખે બપોરે ઘરે હતી ત્યારે તેનો ચાર વર્ષનો પુત્ર બહાર રમતો હતો. બપોરે બે વાગ્યે પરિણીતા તેના પુત્રને બહાર લેવા ગઈ ત્યારે માથાભારે વિપુલ રબારી (રહે. મેલાભાઈ ભરવાડનો તબેલો છાપરાભાઠા, અમરોલી ) ત્યાંથી પસાર થયો હતો. ત્યારે પરિણીતાને છાતીના ભાગે અડી છેડતી કરી હતી. પરિણીતાએ ગુસ્સામાં ‘તું કેમ મને અડે છે’ તેમ કહ્યું હતું. પરિણીતાના વાતથી ઉશ્કેરાઈ ગયેલા વિપુલે તેને ગાળો આપી હતી. અને નજીકમાંથી લાકડાનો ફટકો લાવી પરિણીતાને માર માર્યો હતો. પરિણીતાને ઇજાગ્રસ્ત હાલતમાં હોસ્પિટલમાં ખસેડાઈ હતી. અમરોલી પોલીસે આ અંગે છેડતીનો ગુનો દાખલ કરીને આરોપીની ધરપકડ કરી હતી. પોલીસે આ અંગે આગળની કાર્યવાહી હાથ ધરી છે.
કતારગામમાં મકાન માલિકનું સરનામુ પુછી મહિલાને બાથ ભીડી લેવાઇ
સુરત : કતારગામમાં એક મહિલા ઘરમાં સાફ-સફાઇ કરતી હતી ત્યારે એક યુવાને આવીને ઘરના મકાન માલિક વિશે પુછીને બાથ ભીડી લેતા પોલીસ ફરિયાદ થઇ હતી. કતારગામ આંબાતલાવડી વિસ્તારમાં રહેતી એક મહિલાની બે પુત્રીઓ નોકરી ઉપર ઘઇ હતી, અને તેમનો પુત્ર કોલેજ ગયો હતો અને મહિલા ઘરમાં કચરા-પોતા મારી રહી હતી. આ દરમિયાન ત્યાં રહેતો પરેશ જીવરાજભાઇ વાઘાણી આવ્યો હતો અને મહિલાને ઘરના મકાન માલિક વિશે પુછ્યું હતું. મહિલાએ મકાન માલિક વતન ગયા હોવાનું કહીને પોતાનું કામ કરવા લાગી હતી. ત્યારે પરેશ વાઘાણીએ પાછળથી મહિલાને પકડી લીધી હતી. મહિલાએ બુમાબુમ કરતા પરેશે મહિલાને ધમકી આપીને જતો રહ્યો હતો. બનાવ અંગે મહિલાએ પોતાના પતિને વાત કરીને પોલીસ ફરિયાદ કરતા પોલીસે ગુનો નોંધી પરેશની ધરપકડ કરી હતી.
