IPL-18 ની બીજી મેચમાં સનરાઇઝર્સ હૈદરાબાદે રાજસ્થાન રોયલ્સને જીતવા માટે 287 રનનો લક્ષ્યાંક આપ્યો. હૈદરાબાદ સામે રાજસ્થાને ટોસ જીતીને બોલિંગ કરવાનો નિર્ણય લીધો. હૈદરાબાદે 6 વિકેટે 286 રન બનાવ્યા.
હૈદરાબાદ તરફથી ઈશાન કિશને 106 રનની સદી ફટકારી હતી. ટ્રેવિસ હેડે 31 બોલમાં 67 રન બનાવ્યા. હેનરિક ક્લાસેન 34 રન બનાવીને આઉટ થયા હતા, નીતિશ કુમાર રેડ્ડી 30 રન બનાવીને આઉટ થયા હતા અને અભિષેક શર્મા 24 રન બનાવીને આઉટ થયા હતા. રાજસ્થાનના તુષાર દેશપાંડેએ 3 વિકેટ લીધી. મહિષ થીકશનાએ 2 વિકેટ અને સંદીપ શર્માએ 1 વિકેટ લીધી.
સનરાઇઝર્સ હૈદરાબાદે ઇશાન કિશનની અણનમ સદી અને ટ્રેવિસ હેડની અડધી સદીના આધારે રાજસ્થાન રોયલ્સ સામે જીત માટે 287 રનનો લક્ષ્યાંક મૂક્યો છે. રાજસ્થાને ટોસ જીતીને પહેલા બોલિંગ કરવાનો નિર્ણય લીધો, પરંતુ હૈદરાબાદે ઈશાન અને હેડની મદદથી 20 ઓવરમાં છ વિકેટે 286 રન બનાવ્યા. આ IPLના ઇતિહાસમાં બીજો સૌથી મોટો સ્કોર છે. આઈપીએલમાં સૌથી વધુ સ્કોરનો રેકોર્ડ પણ હૈદરાબાદના નામે છે. ગયા સિઝનમાં હૈદરાબાદે RCB સામે ત્રણ વિકેટે 287 રન બનાવ્યા હતા જે ટુર્નામેન્ટનો સૌથી વધુ સ્કોર હતો.
પ્રથમ બેટિંગ કરતા અભિષેક શર્મા અને ટ્રેવિસ હેડે ટીમને શાનદાર શરૂઆત અપાવી હતી પરંતુ અભિષેક આઉટ થયા પછી હેડે આક્રમક બેટિંગ કરી અને અડધી સદી ફટકારી. હેડના આઉટ થયા પછી એવું લાગતું હતું કે હૈદરાબાદની ઇનિંગ્સ ધીમી પડશે પરંતુ ઇશાને જોરદાર બેટિંગ કરી અને 45 બોલમાં સદી ફટકારીને પોતાની ક્ષમતા સાબિત કરી. આ સનરાઇઝર્સ હૈદરાબાદ માટે ઇશાનની ડેબ્યૂ મેચ હતી.
સનરાઇઝર્સ હૈદરાબાદના બેટ્સમેન ઇશાન કિશને રાજસ્થાન રોયલ્સ સામે 45 બોલમાં સદી ફટકારી છે. હૈદરાબાદ સાથે ઇશાનની આ પહેલી સિઝન છે અને તેણે પહેલી મેચમાં સદી ફટકારીને પોતાની ક્ષમતા સાબિત કરી છે. આ IPL 2025 ની પહેલી સદી પણ છે. રસપ્રદ વાત એ છે કે IPLની 18મી સીઝનની બીજી જ મેચમાં સદી ફટકારવામાં આવી હતી.
