ડેન્માર્ક સામે આવતા મહિનાથી યોજાનારા ડેવિસ કપ વર્લ્ડ ગ્રુપ વન પ્લેઓફ મેચ માટેની પાંચ સભ્યોની ભારતીય ટીમમાંથી સુમિત નાગલને બહાર મુકી દેવાયો છે. ઓલ ઇન્ડિયા ટેનિસ એસોસિએશન દ્વારા બુધવારે આ માહિતી આપવામાં આવી હતી. વર્લ્ડ રેન્કિંગમાં 222માં ક્રમે બેઠેલા સુમિતના સ્થાને ટીમમાં યુકી ભાંબરીને રમાડવામાં આવી શકે છે.
ટીમમાં રામકુમાર રામનાથન અને પ્રજનેશ ગુણેશ્વરન પણ સામેલ છે. આ ઉપરાંત ડબલ્સ સ્પેશિયાલિસ્ટ રોહન બોપન્ના અને દિવિજ શરણ પણ ટીમમાં છે. આ મેચો ચાર અને પાંચ માર્ચે દિલ્હી જીમખાના ક્લબમાં ગ્રાસકોર્ટ પર રમાશે.
