દિલ્હી ટેકનોલોજીકલ યુનિવર્સિટીમાં ગાયક સોનુ નિગમના લાઈવ શો દરમિયાન ભારે હોબાળો થયો હતો. ત્યાં હાજર લોકોએ તેના પર પથ્થરો અને બોટલોથી હુમલો કર્યો હતો. આ કોન્સર્ટના કેટલાક વીડિયો હવે ઓનલાઈન સામે આવ્યા છે, જેને જોઈને તમે પણ આશ્ચર્યચકિત થઈ જશો. જોકે સોનુએ પોતાનો ગુસ્સો ગુમાવ્યો નહીં અને ભીડને શાંત રહેવા કહ્યું. તેમણે પોતાના શ્રોતાઓને કહ્યું, ‘હું અહીં તમારા માટે છું જેથી આપણે બધા સારો સમય પસાર કરી શકીએ.’ સદનસીબે, આ દરમિયાન તેને કોઈ ગંભીર ઈજા થઈ ન હતી પરંતુ આવી ખતરનાક પરિસ્થિતિ જોઈને સોનુએ પ્રદર્શન અધવચ્ચે જ બંધ કરી દીધું હતું.
સોનુ નિગમે કહ્યું, ‘હું અહીં તમારા માટે આવ્યો છું… જેથી આપણે બધા સારો સમય પસાર કરી શકીએ. કૃપા કરીને આવું ન કરો. ‘ જોકે ગાયકનો બચાવ કરતી વખતે તેમની ટીમના કેટલાક સભ્યો ઘાયલ થયા હતા. આ લાઈવ શોમાં એક લાખથી વધુ લોકોએ હાજરી આપી હતી. આ ચોંકાવનારી ઘટના રવિવારે દિલ્હી ટેકનિકલ યુનિવર્સિટી (DTU)ના ‘એન્ઝીફેસ્ટ 2025’માં બની હતી જ્યાં સોનુ નિગમ પર પથ્થરો અને બોટલોથી હુમલો કરવામાં આવ્યો હતો.
કોન્સર્ટના વાયરલ વીડિયોમાં જોવા મળે છે કે ભીડ શરૂઆતમાં સોનુ નિગમ પર પથ્થરો અને બોટલો ફેંકી રહી છે પરંતુ ગાયક તેમને આમ ન કરવા કહેતો જોવા મળે છે. વીડિયો ક્લિપમાં તે પ્રેક્ષકોના ગેરવર્તનને અવગણીને તેના પર હસતો જોવા મળ્યો હતો. આ દરમિયાન એક દર્શકે તેની તરફ ગુલાબી રંગનો હેડબેન્ડ પણ ફેંક્યો, જે તેણે પોતાની પાસે રાખ્યો. ‘તુમસે મિલ્કે દિલ કા જો હાલ’ ગીત ગાતી વખતે તે પહેરેલો જોવા મળ્યો હતો. તમને જણાવી દઈએ કે તાજેતરમાં જ કેન્દ્ર સરકારે પદ્મ પુરસ્કાર વિજેતાઓની જાહેરાત કરી હતી. આમાં સંગીત જગતના ઘણા ચહેરાઓના નામ પણ સામેલ હતા જેમાં સોનુ નિગમનું નામ પણ સામેલ હતું.
