નવી દિલ્હી: સ્થાનિક(Local) શેરબજાર (Stock Market) સતત ત્રીજા દિવસે પણ ખરાબ સમાચાર આવ્યા છે. બજાર શુક્રવારે પણ લાલ નિશાન પર બંધ થયું છે. સપ્તાહના છેલ્લા ટ્રેડિંગ (Trading) દિવસે સેન્સેક્સ 452.90 પોઈન્ટ ઘટીને 59,900.37 પોઈન્ટ પર ટ્રેડ થઈ રહ્યો હતો. તેમાં 0.75% નો ઘટાડો જોવા મળ્યો હતો. બીજી તરફ નિફ્ટી (Nifty) 132.70 પોઈન્ટના ઘટાડા સાથે 17859.45 પોઈન્ટની સપાટીએ બંધ રહ્યો હતો. નિફ્ટીમાં 0.74% નબળો રહ્યો હતો.. શુક્રવારના ટ્રેડિંગ સેશનમાં ડાબરના શેર 4% ઘટીને બંધ થયા જ્યારે TCSના શેર 3% વધીને બંધ થયા. બીજી તરફ, શુક્રવારે બજાર બંધ થવા સુધીના છેલ્લા બે દિવસમાં બજાજ ફાઇનાન્સના રોકાણકારોને રૂ. 33 હજાર કરોડનું નુકસાન થયું છે.
#શુક્રવારે સેન્સેક્સના 30 શેરોમાં આ રીતે વેપાર થયો હતો
ગઈ કાલે રોકાણકારોના 1.5 લાખ કરોડ ડૂબ્યા હતા
અગાઉ ગુરુવારે સાપ્તાહિક સમાપ્તિના દિવસે શેરબજારના બંને સૂચકાંકો સેન્સેક્સ અને નિફ્ટી બંધ થયા હતા. બજારમાં સૌથી વધુ નિરાશાજનક પ્રદર્શન કરનાર બજાજ ફાઇનાન્સ અને બજાજ ફિનસર્વ જેવા હેવીવેઇટ રહ્યા હતા. ગુરુવારે સેન્સેક્સ 300 પોઈન્ટ ઘટીને 60,353 પર બંધ થયો હતો. સેન્સેક્સ ઈન્ટ્રાડે 60,100ની નીચે ગયો હતો. નિફ્ટી 50 પોઈન્ટના ઘટાડા સાથે 18,000ની નીચે 17,992 પર બંધ રહ્યો હતો. ઉલ્લેખનીય છે કે, ગઈકાલે બજાર એક સમયે 600 પોઈન્ટ સુધી તૂટી ગયું હતું. બજારમાં આ ભારે ઉથલપાથલ વચ્ચે રોકાણકારોએ લગભગ 1.5 લાખ કરોડ રૂપિયા ગુમાવ્યા હતા. વિદેશી સંસ્થાકીય રોકાણકારો (FII)એ બુધવારે ચોખ્ખા ધોરણે રૂ. 2,620.89 કરોડના શેરનું વેચાણ કર્યું હતું.
કંઈક આવો રહ્યો હતો અમેરિકન બજારોનો હાલ
વોલ સ્ટ્રીટનો મુખ્ય ઇન્ડેક્સ નાસ્ડેક ગુરુવારે યુએસમાં ટ્રેડિંગ વચ્ચે 1 ટકાથી વધુ ઘટ્યો હતો. બીજી તરફ ડાઉ જોન્સ ઈન્ડસ્ટ્રીયલ એવરેજ 339.69 પોઈન્ટ અથવા 1.02 ટકા ઘટીને 32,930.08 પર, S&P 500 44.87 પોઈન્ટ અથવા 1.16 ટકા ઘટીને 3,808.1 પર અને Nasdaq કમ્પોઝીટ પોઈન્ટ, 1.475 ટકા ઘટીને 15,430.4.પોઇન્ટ ઉપર આવી ગયો હતો.
એશિયન બજારનું પર્ફોમન્સ સારું રહ્યું હતું
ફેડરલ રિઝર્વ દ્વારા વધુ દરમાં વધારાના સંકેતો છતાં એશિયા-પેસિફિક બજારોમાં ઊંચા વેપાર થયા હતા. ADP પ્રાઈવેટ પેરોલ્સ રિપોર્ટના અપેક્ષિત કરતાં વધુ સારા વાંચન દર્શાવે છે કે એમ્પ્લોયરોએ ડિસેમ્બરમાં 235,000 નોકરીઓ ઉમેરી છે. અન્ય બજારોમાં દક્ષિણ કોરિયાનો કોસ્પી 0.37 ટકા અને ઓસ્ટ્રેલિયાનો S&P/ASX 200 0.34 ટકા વધીને ટ્રેડ કરી રહ્યો હોવાની જાણકારી બજારના સૂત્રો પાસેથી પ્રાપ્ત થઇ છે…
