તમે ઘણી વાર્તાઓ સાંભળી હશે, જેમાં લોકો પોતાના સગાના પણ નથી થતા, પરંતુ નિર્દોષ મૂંગા પ્રાણીઓ વફાદાર હોય છે. તેનું જીવંત ઉદાહરણ પટણા(PATNA)ને અડીને આવેલા દાનાપુરના જનીપુર વિસ્તારમાં રહેતા અખ્તર ઇમામનું છે. લોકો તેને ‘હાથી કાકા’ (HATHIKAKA)ના નામથી પણ ઓળખે છે. આ નામની પાછળની વાર્તા પણ ઘણી રસપ્રદ છે.
અખ્તરે પોતાના પુત્રને જમીન અને સંપત્તિ(WILL)માંથી હાંકી કાઢ્યો છે. તેણે તેની બધી સંપત્તિ તેના બે હાથીઓના નામે લખી દીધી છે. પુત્રને હાંકી કાઢવામાં 9 મહિના વીતી ગયા પણ અખ્તરને એકલું કે લાચાર લાગતું નથી. આનું કારણ પુત્ર (SON) કરતાં હાથી(ELEPHANT)ઓની વધારે વફાદારી છે. આથી જ લોકો તેમને ‘હાથી કાકા’ કહે છે. અખ્તર પાસે બે હાથી છે. એકનું નામ રાની અને બીજાનું નામ મોતી છે. સવારથી રાત સુધીનો તેમનો સમય તેમની સાથે જ પસાર થાય છે. તે પોતાના હાથીના નામે પાંચ કરોડની જમીન લખવા માટે ચર્ચામાં આવ્યા હતા. તેણે પોતાની સંપત્તિ બે ભાગમાં નોંધણી કરાવી છે. એક ભાગ તેની પત્નીનો અને બીજો હાથીઓનો છે.
હાથીઓ પણ બેંક બેલેન્સમાં ભાગીદાર છે
હાથી કાકા કહે છે કે જો હું ત્યાં નહીં હોઉં તો મારું ઘર, બેંક બેલેન્સ, ખેતર બધા હાથીના નામે થઇ જશે. જો હાથીઓને કંઇક થાય છે, તો ઐરાવત સંસ્થાને તેમની સંપત્તિનો હિસ્સો મળશે. તે કહે છે કે મારું જીવન હાથીઓને સમર્પિત છે. હાથીઓ તેમના માટે કોઈ સાથીથી ઓછા નથી.
ખોટા બળાત્કારના કેસમાં પુત્રએ ફસાવ્યા
અખ્તરને તેના એકમાત્ર પુત્રને સંપત્તિમાંથી હાંકી કાઢવાનો કોઈ અફસોસ નથી. તેણે જણાવ્યું કે તેનો પુત્ર મીરાજ ઉર્ફે પિન્ટુ નાલાયક હોવાનું બહાર આવ્યુ છે. તેણે મને તેની ગર્લફ્રેન્ડના ખોટા બળાત્કારના કેસમાં ફસાવી દીધો જેથી મારે જેલમાં જવું પડ્યું. તપાસ દરમિયાન, આક્ષેપો ખોટા હોવાનું બહાર આવ્યું અને હું નિર્દોષ છુટી ગયો. દીકરાએ મારા હાથીઓને પણ મારવાની કોશિશ કરી પણ તે પકડાઈ ગયો. તે પછી મેં હાથીઓના નામે સંપત્તિ કરવાનું નક્કી કર્યું.
હાથીઓએ બચાવ્યો જીવ
અખ્તરે કહ્યું કે એકવાર બે સશસ્ત્ર માણસો તેમને મારવા માટે ઘરમાં પ્રવેશ્યા હતા, ત્યારે હાથીઓએ અવાજ કર્યો હતો અને તેમને અને નજીકના લોકોને જગાડ્યા હતા. આ અવાજ સાંભળીને સશસ્ત્ર માણસો નાસી ગયા અને આમ મારો જીવ હાથીઓએ બચાવ્યો.
