સાપને (Snake) જોઈને મોટાભાગે લોકો ડરી જતા હોય છે. પરંતુ સોશિયલ મીડિયા (Social Media) પર એક વીડિયો વાયરલ (Video Viral) થઈ રહ્યો છે જેને જોઈને તમે હસવા (Laughing) લાગશો! સાથે જ તમને આશ્ચર્ય (Surprise) પણ થશે. વાસ્તવમાં એક સાપને પોતાની તરફ આવતો જોઈને મહિલાએ ચપ્પલ ફેંકીને તેને દૂર ભગાડવાનો પ્રયાસ કર્યો હતો. બીજી તરફ સાપ પણ ગજબ જ હતો. ચપ્પલથી (Sleeper) ડરીને ભાગવાને બદલે તે ચપ્પલ જ લઈને ભાગી ગયો હતો. સાપ ચપ્પલ મોંમાં દબાવીને ભાગ્યો હતો. આ દરમિયાન તેનું મોઢું હવામાં હતું અને મોઢામાં ચપ્પલ હતી. આ નજારો જોઈને તમામ યુઝર્સ ચોંકી ગયા હતા. આ વીડિયોએ સોશિયલ મીડિયામાં ચકચાર મચાવી છે. તમને જણાવી દઈએ કે આ વીડિયો એક IFS ઓફિસરે ટ્વિટર (Twitter) પર શેર કર્યો હતો. જેના પછી ક્લિપ વાયરલ થઈ હતી. આ વિડિયો ક્યારનો છે અને ક્યાંનો છે તેની હજુ સુધી પુષ્ટિ થઈ નથી.
આખરે આ સાપ ચપ્પલનું શું કરશે?
આ વીડિયો IFS ઓફિસર પરવીન કાસવાને ટ્વિટર પર શેર કર્યો છે. તેમણે કેપ્શનમાં લખ્યું – હું આશ્ચર્યચકિત છું કે આ સાપ જે ચપ્પલ લઈને ભાગ્યો છે તેનું તે શું કરશે? તેને પગ પણ નથી. આ વીડિયો ક્યાંનો છે તે જાણી શકાયું નથી. અત્યાર સુધીમાં આ ક્લિપને 34 હજારથી વધુ વ્યૂઝ અને 1700થી વધુ લાઈક્સ મળી ચૂક્યા છે. લોકો પ્રતિભાવો પણ આપી રહ્યા છે. એક વ્યક્તિએ લખ્યું કે આ બિહારનો સાપ છે, સાહેબ! અહીંના નેતાઓ અને સાપ આવ્યા પછી ખાલી હાથે જતા નથી. પણ તેને હાથ પણ નથી. જ્યારે અન્ય લોકોએ લખ્યું – તે સ્થળે ચપ્પલ ચોરી કરવાની કોઈ પરંપરા હોઈ શકે છે.
જ્યારે સાપ મોઢામાં ચપ્પલ દબાવીને ભાગવા લાગ્યો હતો
આ ક્લિપ માત્ર 30 સેકન્ડની છે. આમાં આપણે જોઈ શકીએ છીએ કે એક મહિલા સાપને બૂમો પાડી રહી છે કે અહીં ન આવતો. આટલું કહી તે ચપ્પલ ફેંકીને મારે છે. આ પછી સાપ ગજબ કરે છે. તે મોંઢામાં ચપ્પલ દબાવીને ફેણ ઉપાડે છે અને ભાગી જાય છે. આ જોઈને મહિલાઓ હસવા લાગે છે અને પૂછે છે કે ચપ્પલ ક્યાં લઈ જઈ રહ્યો છે. વાસ્તવમાં આવું દ્રશ્ય ભાગ્યે જ જોવા મળે છે. જ્યારે સાપ મોઢામાં ચપ્પલ લઈને દોડતો જોવા મળ્યો હતો. સાપ જે ઝડપથી ભાગી રહ્યો છે તે જોઈને પણ લોકોને કુતુહલ થઈ રહ્યું છે.
