કંગના રનૌત ( KANGNA RANAUT) અગાઉ પણ ઘણી વખત ઇન્ડસ્ટ્રીમાં નેપોટીઝમ સામે પોતાનો અવાજ ઉઠાવી ચૂકી છે અને તેથી જ તે આલિયા ભટ્ટ ( AALIA BHATT) અને અન્ય સ્ટાર કિડ્સ પર સીધો કે આડકતરી રીતે સવાલ ઉઠાવી રહી છે.
બોલિવૂડ એક્ટ્રેસ કંગના રનૌતની આગામી ફિલ્મ થલાઇવીનું ટ્રેલર તાજેતરમાં જ રિલીઝ થયું છે. ફિલ્મમાં કંગના તમિલનાડુના પૂર્વ મુખ્યમંત્રી સ્વર્ગીય જયલલિતા ( JAYLALITA) ની ભૂમિકા નિભાવતી જોવા મળશે. જ્યારે ફિલ્મનું ટ્રેલર ( TRAILER) રિલીઝ થયું ત્યારે દક્ષિણના ઘણા દિગ્ગજ સ્ટાર્સે કંગનાના લુક અને ફિલ્મમાં તેના કામની પ્રશંસા કરી હતી, જોકે બોલિવૂડની મોટા ભાગની હસ્તીઓએ વખાણ માટે એક શબ્દ પણ કહ્યું ન હતું.
થલાઇવી ( THALAIVI) નું ટ્રેલર રિલીઝ થવા પર બોલિવૂડ સ્ટાર્સનું મૌન પણ મહત્વનું બની ગયું છે કારણ કે આલિયા ભટ્ટની આગામી ફિલ્મ ગંગુબાઈ કાઠિયાવાડી ( GANGUBHAI KATHIYAWADI) ના ટીઝરની રજૂઆત પર પ્રિયંકા ચોપરા, અક્ષય કુમાર, કરણ જોહર, વરુણ ધવન અને નીતુ કપૂર જેવા બધા સ્ટાર્સ પ્રશંસાના પુલ બંધાયા હતા. જોકે, કંગનાના ફિલ્મના ટ્રેલર રિલીઝ થવા પર માત્ર દક્ષિણની હસ્તીઓ જ તેની પ્રશંસા કરતી જોવા મળી હતી.
તે જાણીતું છે કે કંગના રનૌત અગાઉ પણ ઘણી વખત ઇન્ડસ્ટ્રીમાં નેપોટીઝમ સામે અવાજ ઉઠાવી રહી છે અને તેથી જ તે આલિયા ભટ્ટ અને અન્ય સ્ટાર કિડ્સ ( STAR KIDS) પર સીધો કે આડકતરી રીતે સવાલ ઉઠાવી રહી છે. કંગના છેલ્લા કેટલાક સમયથી વધુ વિવાદોમાં રહી છે કારણ કે સુશાંત સિંહ રાજપૂત મામલે આખી ઈન્ડસ્ટ્રી ચૂપ હતી પણ કંગનાએ અવાજ ઉઠાવ્યો હતો. મુંબઈની પાકિસ્તાન સાથે સરખામણી કરવા બાબતે તેને ખરાબ રીતે ટ્રોલ કરવામાં આવી હતી. એટલું જ નહીં, તે મહારાષ્ટ્ર સરકારમાં બેઠેલા લોકો, બીએમસી સાથે વિવાદ, કિસાન આંદોલન દરમિયાન વિવાદ અને અન્ય રાજકીય મુદ્દાઓ પર બોલતા ચર્ચામાં રહી છે.
