બોલિવૂડ અભિનેત્રી શિલ્પા શેટ્ટી (shila shetty) આ દિવસોમાં ખરાબ સમયમાંથી પસાર થઈ રહી છે. શિલ્પાનો પતિ રાજ કુન્દ્રા (Raj kundra) પોર્નોગ્રાફી કેસ (Pornography case)માં જેલમાં છે. આવી સ્થિતિમાં શિલ્પા શેટ્ટી પર ઘણા આરોપો લગાવવામાં આવી રહ્યા છે અને તેના વિશે ઘણી અફવાઓ પણ ઉડી રહી છે. હવે શિલ્પાએ આ તમામ બાબતો તેમજ તેના ટ્રોલિંગ અંગે નિવેદન (statemanet) જારી કર્યું છે.
આમાં, તેણીએ દરેકને સંદેશ (Message) આપ્યો છે કે તે હવે ચૂપ છે અને આગળ પણ મૌન જ રહેશે અને સમય સાથે સત્ય બધાની સામે આવશે. શિલ્પાએ એક લાંબી નોંધમાં લખ્યું, ‘હા, છેલ્લા કેટલાક દિવસો દરેક રીતે મુશ્કેલ હતા. અમારી સામે ઘણી અફવાઓ અને આરોપો લગાવવામાં આવી રહ્યા છે. મીડિયા અને મારા ‘શુભેચ્છકો’એ મારા વિશે ઘણી વાતો કહી છે. માત્ર હું જ નહીં પરંતુ મારા પરિવાર(family)ને પણ ટ્રોલ (Troll) કરવામાં આવી રહ્યો છે અને અમારા સંબંધ પર પણ સવાલો ઉભા થઈ રહ્યા છે. મારું વલણ એ છે કે મેં હજી સુધી કંઈ કહ્યું નથી અને હું આ બાબતે આગળ પણ મૌન રહીશ. તેથી મારા નામે ખોટી વાતો ન કરો. ‘
તેમણે વધુમાં કહ્યું કે, ‘સેલિબ્રિટી તરીકે મારી ફિલોસોફી છે’ ક્યારેય ફરિયાદ ન કરો અને ક્યારેય ખુલાસો નહીં આપો. ‘ હું એટલું જ કહીશ કે તપાસ ચાલી રહી છે. મને મુંબઈ પોલીસ અને ભારતીય અદાલત પર વિશ્વાસ છે. એક કુટુંબ તરીકે અમે કાનૂની મદદ લઈ રહ્યા છીએ. પરંતુ ત્યાં સુધી હું તમને વિનંતી કરું છું, ખાસ કરીને માતા તરીકે, અમારા બાળકોની ખાતર અમારા પરિવારની ગોપનીયતાનો આદર કરો. ઉપરાંત, હું તમને વિનંતી કરું છું કે સત્ય જાણ્યા વિના અડધી શેકેલી માહિતી પર ટિપ્પણી કરવાનું બંધ કરો.
તેના નિવેદનના અંતે, શિલ્પા શેટ્ટીએ લખ્યું, ‘હું કાયદાનું પાલન કરનારી ભારતીય છું અને છેલ્લા 29 વર્ષથી કાર્યરત વ્યાવસાયિક મહિલા છું. લોકોએ મારા પર વિશ્વાસ કર્યો છે અને મેં ક્યારેય કોઈનો વિશ્વાસ તોડ્યો નથી. તેથી હું ખાસ કરીને તમને વિનંતી કરું છું કે મારા પરિવાર અને મારા ગોપનીયતાના અધિકારનો આદર કરો અને આ સમયે અમને એકલા છોડી દો. અમને મીડિયા ટ્રાયલની જરૂર નથી. કૃપા કરીને કાયદાને તેનો માર્ગ અપનાવવા દો. સત્યમેવ જયતે. ‘
શિલ્પાએ પોલીસને નિવેદન આપ્યું
જણાવી દઈએ કે 19 જુલાઈના રોજ રાજ કુન્દ્રાની મુંબઈ પોલીસની ક્રાઈમ બ્રાંચે પોર્ન ફિલ્મો બનાવવા બદલ ધરપકડ કરી હતી. આ પછી તેને જ્યુડિશિયલ કસ્ટડીમાં મોકલવામાં આવ્યો અને પછી જેલની સજા કરવામાં આવી. રાજની ધરપકડ બાદ શિલ્પા અને તેના પરિવારને ટ્રોલ કરવામાં આવી રહ્યા છે. પોર્ન કેસમાં ક્રાઈમ બ્રાંચના અધિકારીઓ દ્વારા શિલ્પા શેટ્ટીની પણ પૂછપરછ કરવામાં આવી હતી, જેમાં શિલ્પાએ તેના પતિને ટેકો આપ્યો હતો. શિલ્પાએ મુંબઈ પોલીસને આપેલા નિવેદનમાં કહ્યું હતું કે તેનો પતિ પોર્ન નહીં પણ શૃંગારિક ફિલ્મો બનાવે છે અને પોલીસને ગેરસમજ થઈ છે.
