નવી દિલ્હી (New Delhi): સીરમ ઇન્સ્ટિટ્યૂટ ઑફ ઈન્ડિયા (Serum Institute of India -SII) ના સીઈઓ આદર પૂનાવાલાએ (Adar Poonawalla) શનિવારે કહ્યું છે કે તેમની કંપનીએ ભારતમાં નોવાવેક્સની (Novavax Inc) ભાગીદારીમાં કોવિડ -19 રસીના ટ્રાયલ (vaccine trial) શરૂ કરવા માટે અરજી કરી છે અને તેમને આશા છે કે જૂન 2021 સુધીમાં કોવાવેક્સ બજારમાં આવી જશે. નોવાવેક્સ ઇન્કના સાત દેશોમાં આઠ પ્લાન્ટ છે. હાલમાં લંડનમાં કોવાવેક્સના પરીક્ષણો ચાલી રહ્યા છે. કંપનીએ બે દિવસ પહેલા નિવેદન બહાર પાડ્યુ હતુ કે લંડનમાં કોવાવેક્સના (Covavax) પરીક્ષણોને 90 % સફળતા મળી છે.
આ કંપનીએ લંડન અને દ.આફ્રિકામાં કોરોનાનો નવો પ્રકાર જોવા મળ્યા પછી પોતાની રસીમાં ફેરફારો કર્ય હતા. કંપનીનો દાવો છે કે તેમણે રસીમાં કરેલા ફેરફારો પછી હવે આ રસી કોરોનાના નવા પ્રકાર સામે પણ એટલી જ અસરકારક છે. જણાવી દઇએ કે SII એ પહેલા જ નોવાવેક્સ ઇન્ક સાથે ભાગીદારી કરીને કોવાવેક્સ રસીના પરીક્ષણો હાથ ધરવા અને આ રસીનું ઉત્પાદન કરવા કરાર કર્યો છે.
પૂનાવાલાએ ટ્વિટર પર જણાવ્યું હતું કે કોરોનાવાયરસ રસી માટે નોવાવેક્સ સાથે એસઆઈઆઈની ભાગીદારીએ ઉત્તમ અસરકારકતા પરિણામો આપ્યો છે. “નોવાવેક્સ સાથેની કોવિડ -19 રસી માટેની અમારી ભાગીદારીએ પણ ઉત્તમ અસરકારક પરિણામો પ્રકાશિત કર્યા છે. અમે ભારતમાં ટ્રાયલ્સ શરૂ કરવા માટે પણ અરજી કરી છે. 2021 જૂન સુધીમાં કોવાવેક્સ શરૂ કરવાની આશા છે! ” તેમણે ટ્વિટ કર્યું. નોવાવાક્સ પહેલેથી જ છ ઓપરેટિંગ મેન્યુફેક્ચરિંગ સ્થળો પર રસીનો જથ્થો સંઘરી રહી છે, અને કહ્યું હતું કે તે અપેક્ષા રાખે છે કે સાત દેશોમાં કુલ આઠ પ્લાન્ટ્સ ભારતના સીરમ ઇન્સ્ટિટ્યૂટ સહિત દર વર્ષે 2 અબજ ડોઝના દરે ઉત્પાદન કરશે.
નોવાવેક્સે કહ્યું કે તેણે જાન્યુઆરીની શરૂઆતમાં ઉભરતા વાયરસના પ્રકારો સામે રક્ષણ આપવા માટે તેની રસીના નવા સંસ્કરણો બનાવવાનું શરૂ કર્યું છે અને આગામી દિવસોમાં બૂસ્ટર માટે આદર્શ ઉમેદવારોની પસંદગીની અપેક્ષા રાખે છે. કંપનીએ કહ્યું કે તે આ નવી રસીનું પરીક્ષણ આ વર્ષના બીજા ક્વાર્ટરમાં શરૂ કરવાની યોજના ધરાવે છે.
