સેમસંગ સ્માર્ટ ટીવી સર્વિસ ડાઉન થઈ છે. મોટી સંખ્યામાં લોકો આ સમસ્યાનો સામનો કરી રહ્યા છે અને સતત ફરિયાદ કરી રહ્યા છે. સોશિયલ મીડિયા પ્લેટફોર્મ X હોય કે ડાઉન ડિટેક્ટર દુનિયાભરના લોકો ફરિયાદ કરી રહ્યા છે કે સેમસંગ ટીવી બંને પ્લેટફોર્મ પર કામ કરી રહ્યું નથી.
ડાઉન ડિટેક્ટની વાત કરીએ તો આ પ્લેટફોર્મ પર 2500 થી વધુ લોકોએ સેમસંગ ટીવી કામ ન કરી રહ્યું હોવાની ફરિયાદ કરી છે. લગભગ 80 ટકા લોકો કહે છે કે તેઓ તેના પરની એપ્સને એક્સેસ કરી શકતા નથી. 13 ટકા લોકો લોગિન સંબંધિત સમસ્યાઓનો સામનો કરી રહ્યા છે. આ સમસ્યા શા માટે થઈ રહી છે તે સ્પષ્ટ નથી. સેમસંગે ટીવી કામ ન કરવાનું કારણ સત્તાવાર રીતે આપ્યું નથી.
કોઈ એપ ખુલી રહી નથી
સેમસંગ ટીવી યુઝર્સ ફરિયાદ કરે છે કે તેઓ તેમના સ્માર્ટ ટીવી પર કોઈપણ એપ ખોલી શકતા નથી. ભારતમાં પણ ઘણા યુઝર્સ આવી સમસ્યાઓનો સામનો કરી રહ્યા છે. આઉટેજનું કારણ હજુ સ્પષ્ટ નથી પરંતુ તેની મુખ્ય અસર અમેરિકન યુઝર્સ પર પડી છે. જો કે, લોકો સેમસંગના EU કોમ્યુનિટી પેજ પર ટીવી સંબંધિત સમસ્યાઓ પણ સતત શેર કરી રહ્યા છે.
સર્વર અંડર મેઈન્ટેનન્સના મેસેજ ડિસ્પ્લે થયા
કોઈપણ એપ ખોલવા પર, ‘સર્વર અંડર મેન્ટેનન્સ’ નો મેસેજ દેખાય છે. જ્યારે દક્ષિણ કોરિયન કંપનીનું ટીવી કામ ન કરતું ત્યારે લોકો સોશિયલ મીડિયા તરફ વળ્યા અને પોતાના અનુભવો શેર કરવાનું શરૂ કર્યું. અત્યાર સુધી સેમસંગે આ મામલે કોઈ સત્તાવાર માહિતી આપી નથી.
સોશિયલ મીડિયા પર ફરિયાદોનો મારો
લોકો સોશિયલ મીડિયા પર ફરિયાદ કરી રહ્યા છે એક યુઝરે સોશિયલ મીડિયા પર લખ્યું, ‘સેમસંગનું સર્વર ડાઉન હોવાથી આજે રાત્રે ટીવી પણ જોઈ શકાતું નથી.’ બીજા યુઝરે લખ્યું કે સેમસંગનું સર્વર ડાઉન છે. પાંચ વર્ષ જૂના ટીવીને બદલવા માટે નવું સેમસંગ ટીવી ખરીદ્યું, પરંતુ પછી ખ્યાલ આવ્યો કે સર્વર ડાઉન છે.
સોશિયલ મીડિયા પર તમને આવી ઘણી પોસ્ટ્સ મળશે, જ્યાં લોકો સેમસંગ ટીવી વિશે ફરિયાદ કરી રહ્યા છે. ધ્યાનમાં રાખો કે આ સમસ્યા ફક્ત સ્માર્ટ ટીવી વપરાશકર્તાઓ સાથે છે. મોટાભાગના લોકો નેટફ્લિક્સ, પીકોક અને યુટ્યુબ ટીવી ઍક્સેસ કરી શકતા નથી.
