સલમાન ખાને (Salman Khan) આમ તો રિયલ લાઈફમાં લગ્ન (Marriage) નથી કર્યા પરંતુ રીલ લાઈફમાં તેણે અનેક અભિનેત્રીઓ સાથે ફિલ્મોમાં (Film) લગ્ન કર્યા. જોકે આ અભિનેત્રીઓમાં સૌથી વધુ લગ્ન તેણે કોની સાથે કર્યા તે જાણવું પણ ઘણું રસપ્રદ છે. અભિનેત્રી કરિશ્મા કપૂરનું નામ સલમાન સાથેની ફિલ્મ વેડિંગ લિસ્ટમાં ટોચ પર છે. ઘણી ફિલ્મોમાં અભિનેત્રી કરિશ્મા કપૂરે સલમાન સાથે લગ્ન કર્યાં છે. સલમાન-કરિશ્માએ આવી અનેક ફિલ્મોમાં કામ કર્યું હતું જેમાં તેઓ ફિલ્મમાં કે ફિલ્મના એન્ડમાં પતિ-પત્ની બને છે. ‘જીત’, ‘બિવી નંબર વન’, ‘દુલ્હન હમ લે જાયેંગે’, ‘જુડવા’, ‘ચલ મેરે ભાઈ’ જેવી ફિલ્મોમાં બંનેના લગ્ન થયા. આ બંનેની જોડીને ફિલ્મોમાં દર્શકો દ્વારા ખૂબ પસંદ આવી હતી.
જોકે અન્ય અભિનેત્રીઓ સાથે પણ ફિલ્મ લાઈફમાં સલમાન ખાને લગ્ન કર્યા અને લોકોએ તેને પસંદ કર્યા. સુપરસ્ટાર સલમાન ખાન અને અભિનેત્રી માધુરી દીક્ષિતની જોડી સ્ક્રીન પર હિટ રહી છે. સલમાન-માધુરીની જોડી ફિલ્મ ‘સાજન’ અને ‘હમ આપકે હૈ કૌન’ માં બ્લોકબસ્ટર સાબિત થઈ હતી. ‘સાજન’માં સલમાન માધુરી સાથે પ્રેમમાં જોવા મળ્યો હતો અને ફિલ્મ હમ આપકે કૌન ફિલ્મમાં તેણે માધુરી સાથે ફિલ્મી લગ્ન કર્યા હતા.
સલમાન ખાનની ફિલ્મ લગ્ન યાદીમાં અભિનેત્રી સોનાલી બેન્દ્રેનું નામ પણ શામેલ છે. ફિલ્મ ‘હમ સાથ સાથ હૈ’ માં સોનાલી-સલમાનની જોડીને દર્શકોનો ઘણો પ્રેમ મળ્યો. આ ફિલ્મમાં સલમાન અને સોનાલીના લગ્ન સિક્વન્સને લોકેએ ખૂબ પસંદ કરી હતી.
સલમાન ખાન અને અભિનેત્રી અસિન શર્માની જોડી ફિલ્મ ‘રેડી’ માં જોવા મળી હતી. ફિલ્મમાં સલમાન અસિનને પામવા માટે ઘણા પાપડ બેલતો જોવા મળ્યો હતો. ફિલ્મનો સૌથી મજેદાર સીન તેઓ વચ્ચેના લગ્ન હતા. જેમાં જબરદસ્ત એક્શન પણ જોવા મળી હતી અને આખરે આ ફિલ્મ સલમાન અને અસિનના ફિલ્મ લગ્ન સાથે સમાપ્ત થાય છે.
સલમાન ખાનનું ફિલ્મી વેડિંગ તો ઘણી વાર થયા છે અને લોકો આતુરતાથી તેના ખરા લગ્નની રાહ જોઇ રહ્યા છે. પરંતુ એક સત્ય એ પણ છે કે સલમાનના ચાહકો તેમની અને અભિનેત્રી કેટરીના કૈફની જોડીને પણ પસંદ કરે છે. એટલું જ નહીં, સલમાન-કેટરિનાના બ્રેકઅપ પછી પણ લોકોને લાગે છે કે બંને લગ્ન કરી શકે છે. ફિલ્મમાં બંનેની જોડી વિશે વાત કરીએ તો, બંનેએ ફિલ્મ ‘ટાઇગર’ ની સિરીઝમાં પતિ-પત્નીની ભૂમિકા ભજવી છે. ફિલ્મ ‘ભારત’ માં પણ અલગ સ્ટોરી સાથે સલમાન કેટરીના સાથે જોવા મળ્યા હતાં.
