ઋષભ પંતને લખનૌ સુપર જાયન્ટ્સ (LSG) ના નવા કેપ્ટન બનાવવામાં આવ્યો છે. તે કેએલ રાહુલનું સ્થાન લેશે. ઋષભ પંત દિલ્હી કેપિટલ્સનો કેપ્ટન પણ રહી ચૂક્યો છે. પંતને કેપ્ટન તરીકે જાહેર કરતી વખતે ફ્રેન્ચાઇઝના માલિક સંજીવ ગોયેન્કાએ કહ્યું કે મને પંતમાં જન્મજાત લીડર દેખાય છે. તે એક જબરદસ્ત લીડર છે. મને લાગે છે કે તે IPLનો શ્રેષ્ઠ કેપ્ટન બની શકે છે. લોકો ‘માહી, રોહિત’ ને IPL ના સૌથી સફળ કેપ્ટનોની યાદીમાં રાખે છે. મારા શબ્દો યાદ રાખો, ૧૦-૧૨ વર્ષ પછી ‘માહી, રોહિત અને ઋષભ પંત’ હશે.
મેગા ઓક્શન પછી પંતને લખનૌનો કેપ્ટન બનાવવાની ચર્ચા થઈ રહી હતી. નવેમ્બર 2024 ના મેગા ઓક્શનમાં ફ્રેન્ચાઇઝીએ પંતને INR 27 કરોડ (આશરે US$3.21 મિલિયન) માં ખરીદ્યો હતો. આ સાથે પંત આઈપીએલનો સૌથી મોંઘો ખેલાડી બની ગયો. પંતે અગાઉ ત્રણ સીઝન (૨૦૨૧, ૨૦૨૨ અને ૨૦૨૪) માં દિલ્હી કેપિટલ્સનું નેતૃત્વ કર્યું છે જોકે તેમની કેપ્ટનશીપ હેઠળ ટીમ ૨૦૨૧ માં પ્લેઓફમાં પહોંચી હતી. કાર અકસ્માત બાદ તે 2023 સીઝનમાંથી બહાર થઈ ગયો હતો.
લખનૌ સુપર જાયન્ટ્સમાં કેએલ રાહુલનું સ્થાન રિષભ પંત લેશે. કેએલ રાહુલે છેલ્લી સીઝન (૨૦૨૨, ૨૦૨૩, ૨૦૨૪) માટે એલએસજીનું નેતૃત્વ કર્યું હતું. ટીમે પહેલા બે વર્ષ પ્લેઓફમાં સ્થાન મેળવ્યું પરંતુ ફાઇનલમાં પહોંચી શકી નહીં. જ્યારે 2024 ની સીઝન ખૂબ જ ખરાબ રહી, ટીમ 7મા સ્થાને રહી હતી.
