પાકિસ્તાન(Pakistani)ની ગુપ્તચર એજન્સી (agency) માટે જાસૂસી કરવાના આરોપમાં દિલ્હી પોલીસ(Delhi police)ના સ્પેશિયલ સેલ દ્વારા એક યુવકની ધરપકડ કરવામાં આવી છે. આરોપીની ઓળખ હરપાલસિંઘ (35) પંજાબના તરણતારણના રહેવાસી તરીકે થઇ છે. આરોપી સૈન્ય મથક(army office), તેમની હિલચાલ, સૈન્ય અને બીએસએફ ચોકી અને બંકરોની માહિતી પાકિસ્તાનમાં બેઠેલા તેમના આકાઓ પાસે આપી રહ્યો હતો. બદલામાં તે હવાલા દ્વારા લાખો રૂપિયા મેળવતો હતો.
પોલીસે આરોપી પાસેથી સૈન્ય માહિતીથી સંબંધિત ગુપ્ત દસ્તાવેજો(secrete document), એક મોબાઈલ ફોન(mobile), સીમકાર્ડ અને બસની મુસાફરી માટેની બે ટિકિટ (travel ticket) કબજે કરી છે. તેના મોબાઇલથી તેના માલિક જસપાલ, જે લાહોરમાં છે, પાકિસ્તાનમાં બેઠા હોવાનું બહાર આવ્યું છે. જસપાલે હરપાલને સોશિયલ મીડિયા(social mdeia)ના માધ્યમથી તેની જાળમાં ફસાવી દીધો હતો. હરપાલે જણાવ્યું છે કે તેમને પાછળથી ખબર પડી કે જસપાલ પાકિસ્તાનમાં બેઠા છે. પોલીસ આરોપીની રિમાન્ડ પર પુછપરછ કરી રહી છે. હત્યાના પ્રયાસ અને ઝઘડવાના કેસોમાં સંડોવાયેલા હરપાલની આર્થિક પરિસ્થિતિ સારી ન હતી. તે ફેક્ટરીમાં મશીન ઓપરેટર તરીકે કામ કરતો હતો. ગયા વર્ષે તેણે મેસેંજર એપ દ્વારા પાકિસ્તાનના લાહોરમાં બેઠેલા જસપાલ સાથે વાતચીત કરી હતી. જસપાલે તેને મોટી રકમની લાલચ આપીને ભારતીય સેના વિશે માહિતી આપવા કહ્યું. શરૂઆતમાં, હરપાલને લાગ્યું કે જસપાલ કદાચ ભારતમાં બેઠો છે. તે જાસૂસી કરવા તૈયાર થઈ ગયો. તેણે ઓક્ટોબર – નવેમ્બરથી જાસૂસી શરૂ કરી. ત્યારબાદ આરોપી સતત પાકિસ્તાનની જાસૂસી કરતો રહ્યો હતો.
હવાલા દ્વારા આરોપીને અત્યાર સુધીમાં કેટલી રકમ મળી છે તે જાણવા પોલીસ પ્રયાસ કરી રહી છે. પૂછપરછ દરમિયાન હરપાલે જણાવ્યું હતું કે જસપાલે તેને સમુદાયની સોગંધ આપીને આ કામ કરવા તૈયાર કર્યો હતો. જસપાલ સાથે સતત વાતચીત કર્યા પછી હરપાલને ઓમાન જવાની તક મળી હતી. તે ત્યાં જસપાલને મળ્યો, અને ત્યાં જસપાલ હરપાલને તેના મિશન વિશે જણાવે છે. હરપાલે જસપાલને ભારતીય મોબાઇલ નંબરના વોટ્સએપ નંબર પૂરા પાડ્યા હતા. આ નંબર દ્વારા હરપાલ અને જસપાલ સીધી વાત શરૂ કરી હતી. જસપાલની વિનંતી પર હરપાલે આ નંબર ઉપલબ્ધ કરાવ્યો હતો. આ કરવાથી આ લોકો સુરક્ષા એજન્સીઓ અને પોલીસની આંખોમાં ધૂળ ફેંકવાનો પ્રયાસ કરી રહ્યા હતા.
પોલીસે આરોપી પાસેથી ઝડપાયેલા મોબાઇલને ફોરેન્સિક નિષ્ણાત પાસે મોકલી આપ્યો છે. તેની મદદ સાથે આરોપી જસપાલના સંપર્કમાં આરોપી સિવાય અન્ય કોણ હતો તે જાણવાની કોશિશ કરવામાં આવી રહી છે. તપાસ દરમિયાન જાણવા મળ્યું કે પંજાબમાં હરપાલ વિરુદ્ધ હત્યાના પ્રયાસ અને ઝગડાના કેટલાક કેસ પહેલાથી જ નોંધાયા છે.
