નવી દિલ્હી: મુકેશ અંબાણીની (Mukesh Ambani) રિલાયન્સ ઇન્ડસ્ટ્રીઝ લિમિટેડની (Reliance Industries Ltd.) 46મી વાર્ષિક સામાન્ય સભાનું (Reliance AGM 2023) આયોજન કરવામાં આવ્યુ હતું. આ સભાને સંબોધતા મુકેશ અંબાણીએ કહ્યું કે ભારતમાં (India) વિશ્વનું નેતૃત્વ કરવાની ક્ષમતા છે. ભારત ન તો અટકે છે, ન થાકે છે કે હારે છે. પોતાના સંબોધનની શરૂઆતમાં તેમણે ચંદ્રયાન-3ની (Chandrayaan-3) સફળતાનો પણ ઉલ્લેખ કર્યો હતો. આ સાથે તેમણે કહ્યું કે નવી રિલાયન્સ ભારતના વિકાસમાં મહત્વપૂર્ણ યોગદાન આપવા માટે પ્રતિબદ્ધ છે.આ દરમિયાન તેમણે કહ્યું કે ઈશા-આકાશ અને અનંત અંબાણીનો રિલાયન્સના બોર્ડ ઓફ ડિરેક્ટર્સમાં સમાવેશ કરવામાં આવશે, અને નીતા અંબાણી બોર્ડ ઓફ ડિરેક્ટર્સથી અલગ થશે.
રિલાયન્સ એજીએમ 2023ને સંબોધતા મુકેશ અંબાણીએ ગ્રુપના બોર્ડમાં નોંધપાત્ર ફેરફારોની પણ જાહેરાત કરી હતી. રિલાયન્સે રેગ્યુલેટરને આપેલી માહિતી વિશે જણાવ્યું કે બોર્ડ ઓફ ડિરેક્ટર્સે ઈશા અંબાણી, આકાશ અંબાણી અને અનંત અંબાણીની બોર્ડમાં નોન-એક્ઝિક્યુટિવ ડિરેક્ટર તરીકે નિમણૂકને મંજૂરી આપી દીધી છે. આ નિમણૂક શેરધારકોની મંજૂરીથી જ અસરકારક બનશે. આ સિવાય નીતા અંબાણી બોર્ડથી અલગ હશે.
Jioના એર ફાઈબર ગણેશ ચતુર્થી એટલે કે 19 સપ્ટેમ્બરે લોન્ચ થશે. Jio Air Fiber 5G નેટવર્ક અને અત્યાધુનિક વાયરલેસ ટેકનોલોજીનો ઉપયોગ કરીને ઘરો અને ઓફિસોમાં વાયરલેસ બ્રોડબેન્ડ સેવા પ્રદાન કરશે. Jio Air Fiberના લેન્ડિંગને કારણે ટેલિકોમ્યુનિકેશનના ક્ષેત્રમાં ઉથલપાથલ થવાની સંભાવના છે. રિલાયન્સ એજીએમ સંબોધન દરમિયાન જ્યારે મુકેશ અંબાણીએ Jio 5G વિશે વાત કરી, ત્યારે તેમણે કહ્યું કે જ્યારે 2016 માં 4G લોન્ચ કરવામાં આવ્યું હતું, ત્યારે તેણે તે સમયે વૈશ્વિક કંપનીઓ સાથે જોડાણ કર્યું હતું, પરંતુ 5G રોલઆઉટ સંપૂર્ણપણે ઇનહાઉસ છે અને કેન્દ્ર સરકારના આત્મનિર્ભર ભારત મિશન હેઠળ છે. Jio એ ફક્ત 999 રૂપિયામાં ‘Jio ભારત’ ફોન લૉન્ચ કરીને ભારતના દરેક ઘર સુધી મોબાઈલ પહોંચાડવાનું કામ કર્યું છે.
રિલાયન્સ ઇન્ડસ્ટ્રીઝ લિમિટેડના ચેરમેન અને મેનેજિંગ ડિરેક્ટર મુકેશ અંબાણીએ સોમવારે જણાવ્યું હતું કે કંપનીએ છેલ્લા 10 વર્ષમાં કુલ $150 બિલિયનનું રોકાણ કર્યું છે. આ સમયગાળા દરમિયાન કોઈપણ કંપનીનું આ સૌથી વધુ રોકાણ છે. કંપનીની વાર્ષિક સામાન્ય સભા (AGM)માં અંબાણીએ કહ્યું કે રિલાયન્સ ઉભરતા નવા ભારતમાં અગ્રેસર છે. “અમે મોટે ભાગે અશક્ય લક્ષ્યો નક્કી કર્યા અને તેમને હાંસલ કર્યા,” તેમણે કહ્યું.
