રેખા ગુપ્તાએ દિલ્હીના મુખ્યમંત્રી તરીકે શપથ લીધા છે. તેઓ દિલ્હીના ચોથા મહિલા મુખ્યમંત્રી બન્યા છે. તેમણે રામલીલા મેદાનમાં શપથ લીધા. રેખા ગુપ્તાએ દિલ્હીના મુખ્યમંત્રી તરીકે શપથ લીધા. દિલ્હીના લેફ્ટનન્ટ ગવર્નર વીકે સક્સેનાએ તેમને પદના શપથ લેવડાવ્યા હતા. રામલીલા મેદાનમાં આ પ્રસંગના વડાપ્રધાન નરેન્દ્ર મોદી, કેન્દ્રીય મંત્રી અમિત શાહ સહિતના મહાનુભાવો સાક્ષી બન્યા હતાં.
આજે ભાજપ માટે ઐતિહાસિક દિવસ છે કારણ કે ભાજપ 27 વર્ષ પછી રાજધાનીમાં સત્તામાં પાછી આવી છે. સુષ્મા સ્વરાજ, શીલા દીક્ષિત અને આતિશી પછી રેખા ગુપ્તા દિલ્હીના ચોથા મહિલા મુખ્યમંત્રી બન્યા છે.
રેખા ગુપ્તાએ દિલ્હીની શાલીમાર બાગ વિધાનસભા બેઠક પરથી આમ આદમી પાર્ટીના બંદના કુમારીને હરાવ્યા હતા. રેખા ગુપ્તાએ આ બેઠક 29000 થી વધુ મતોથી જીતી હતી. રેખા ગુપ્તા સાથે આજે પ્રવેશ વર્મા, આશિષ સૂદ, પંકજ સિંહ, મનજિન્દર સિંહ સિરસા, કપિલ મિશ્રા અને રવિન્દ્ર ઇન્દ્રજ પણ શપથ લીધા હતા.
પ્રવેશ વર્માએ દિલ્હીના કેબિનેટ મંત્રી તરીકે શપથ લીધા છે. તેમણે સીએમ રેખા ગુપ્તા પછી પદના શપથ લીધા. પ્રવેશ વર્માએ નવી દિલ્હી વિધાનસભા બેઠક પરથી અરવિંદ કેજરીવાલને હરાવ્યા હતા.
રેખા ગુપ્તાની મુખ્યમંત્રી પદ માટે કેમ પસંદગી કરાઈ?
ભાજપ દિલ્હીમાં વિધાનસભાની ચૂંટણી જીત્યું ત્યાર બાદ મુખ્યમંત્રી પદ માટે રેખા ગુપ્તા અને પ્રવેશ વર્માના નામ ચર્ચામાં હતા. જોકે, આખરે મોવડી મંડળે રેખા ગુપ્તાના નામ પર પસંદગીનો કળશ ઢોળ્યો છે. અરવિંદ કેજરીવાલને હરાવવા છતાં, પ્રવેશ વર્મા રાજકીય સમીકરણોમાં સંપૂર્ણપણે ફિટ ન થઈ શક્યા હોવાથી ચૂકી ગયા. રેખા ગુપ્તાને વૈશ્ય સમુદાયની મહિલા હોવાનો પૂરો લાભ મળ્યો છે.
પ્રવેશ વર્માની પસંદગી કેમ નહીં?
પ્રવેશ વર્માને દિલ્હીના ભૂતપૂર્વ મુખ્યમંત્રીના પુત્ર હોવાની કિંમત પણ ચૂકવવી પડી છે. કારણ કે, ભાજપ જે કોંગ્રેસ સહિત ઘણા રાજકીય પક્ષો પર ભાઈ-બહેનોની રાજનીતિ કરવા બદલ હુમલો કરી રહી છે, તે પ્રવેશ વર્માને મુખ્યમંત્રી બનાવીને પોતે જ નિશાન બની શકે છે. પ્રવેશ વર્માની છબી પણ વિવાદાસ્પદ રહી છે.
