RBI ગવર્નર (RBI Governor) શક્તિકાંત દાસે કહ્યું કે રેપો રેટ (Repo Rate) અત્યારે ઊંચો રહેશે અને આ ઊંચા સ્તરે કેટલો સમય રહેશે તે તો સમય જ કહેશે. ગવર્નરે વધુમાં જણાવ્યું હતું કે વર્તમાન ભૌગોલિક રાજકીય સંકટને ધ્યાનમાં રાખીને વિશ્વભરની મુખ્ય કેન્દ્રીય બેંકોએ ઉચ્ચ ફુગાવાને પહોંચી વળવા તેમના મુખ્ય વ્યાજ દરોમાં વધારો કર્યો છે. જેથી હોમ અને કાર લોનની (Home And Car Loan) EMI માં હાલ રાહત નહીં મળે.
હોમ-કાર લોન સહિત તમામ પ્રકારની લોન લેનારાઓ માટે હાલ રાહતના સમાચાર નથી. આ સમયે વધેલા EMI માંથી રાહત મળવાની નથી. આ જાણકારી રિઝર્વ બેંક ઓફ ઈન્ડિયાના ગવર્નર શક્તિકાંત દાસે આપી છે. ‘કૌટિલ્ય ઇકોનોમિક કોન્ક્લેવ 2023’માં એક પ્રશ્નના જવાબમાં આરબીઆઈના ગવર્નર શક્તિકાંત દાસે શુક્રવારે કહ્યું હતું કે હોમલોન અને કાર લોન પર EMIના વ્યાજ દરો અત્યારે ઊંચા રહેશે અને આ ઊંચા સ્તરે કેટલો સમય રહેશે તે તો સમય જ કહેશે. વર્તમાન ભૌગોલિક રાજકીય સંકટને ધ્યાનમાં રાખીને વિશ્વભરની મુખ્ય કેન્દ્રીય બેંકોએ વધતી જતી મોંઘવારીને પહોંચી વળવા તેમના મુખ્ય નીતિ દરોમાં વધારો કર્યો છે. જોકે ફુગાવાને કાબૂમાં રાખવા માટે રિઝર્વ બેંકે આ વર્ષે ફેબ્રુઆરીથી પોલિસી રેટમાં વધારો કર્યો નથી. તે 6.5 ટકા પર અકબંધ છે. અગાઉ ગયા વર્ષે મે માસથી રેપો રેટમાં કુલ છ વખત 2.50 ટકાનો વધારો કરવામાં આવ્યો હતો.
વર્તમાન વ્યાજ દર શું છે?
તમને જણાવી દઈએ કે અત્યાર સુધી આરબીઆઈએ મે 2022 થી ફેબ્રુઆરી 2023 સુધી રેપો રેટમાં 250 બેસિસ પોઈન્ટ સુધીનો વધારો કર્યો છે. જોકે ફેબ્રુઆરી 2023 પછી આરબીઆઈએ રેપો રેટને 6.5 ટકા પર સ્થિર રાખ્યો છે.
રેપો રેટ સતત ચોથી વખત સ્થિર રહ્યો
તમને જણાવી દઈએ કે રેપો રેટ એ દર છે જેના પર આરબીઆઈ દેશની બેંકોને પૈસા આપે છે. મતલબ કે આરબીઆઈ જેટલો રેપો રેટ વધારશે તેટલા ઊંચા દરે બેંકને પૈસા મળશે અને પછી બેંક અમને અને તમને ઊંચા વ્યાજ દરે પૈસા આપશે. આ મહિને મળેલી RBIની MPCની બેઠકમાં રેપો રેટને સ્થિર રાખવાનો નિર્ણય લેવામાં આવ્યો છે. આ સતત ચોથી વખત રેપો રેટને 6.5 ટકા પર સ્થિર રાખવામાં આવ્યો છે. તમને જણાવી દઈએ કે RBIની MPC દર બે મહિનામાં એકવાર મળે છે.
આરબીઆઈએ મોંઘવારી ઘટાડવા માટે કામ કર્યું
શક્તિકાંત દાસે કહ્યું કે આરબીઆઈએ ફુગાવાને કાબૂમાં લેવા માટે સતત પ્રયાસો કર્યા છે. આના કારણે જુલાઈમાં 7.44 ટકાના વિક્રમી સ્તરે પહોંચ્યા બાદ મોંઘવારી ઘટી છે. શાકભાજી અને ઈંધણના ભાવમાં નરમાઈને કારણે સપ્ટેમ્બરમાં વાર્ષિક ધોરણે છૂટક ફુગાવો ઘટીને 5.02 ટકાના ત્રણ મહિનાની નીચી સપાટીએ પહોંચ્યો હતો. ગ્રાહક ભાવ સૂચકાંક (CPI) પર આધારિત ફુગાવો ઓગસ્ટમાં 6.83 ટકા અને સપ્ટેમ્બર 2022માં 7.41 ટકા હતો. જુલાઈમાં મોંઘવારી દર 7.44 ટકાના સર્વોચ્ચ સ્તરે પહોંચી ગયો હતો. ફુગાવાને કાબૂમાં રાખવા માટે રિઝર્વ બેન્કે આ વર્ષે ફેબ્રુઆરીમાં પોલિસી રેટમાં વધારો કર્યો નથી.
