ભારતીય સ્પિન દિગ્ગજ રવિચંદ્રન અશ્વિને ઓસ્ટ્રેલિયામાં બોર્ડર-ગાવસ્કર ટ્રોફી દરમિયાન નિવૃત્તિ લેવા વિશેનું સાચું કારણ હવે જાહેર કર્યું છે. અશ્વિને તેની યુટ્યુબ ચેનલ પર ભૂતપૂર્વ કેપ્ટન અને કોચ રાહુલ દ્રવિડ સાથેની વાતચીતમાં ખુલાસો કર્યો હતો. અશ્વિને કહ્યું મને વિદેશી પ્રવાસો દરમિયાન ટેસ્ટ મેચોમાં બહાર બેસવાનું ખૂબ જ ખરાબ લાગવા લાગ્યું અને આ જ મારા અચાનક આંતરરાષ્ટ્રીય નિવૃત્તિનું કારણ બન્યું હતું.
અનિલ કુંબલે પછી 500 થી વધુ ટેસ્ટ વિકેટ લેનાર બીજા ભારતીય બોલર અશ્વિને ગયા ડિસેમ્બરમાં બ્રિસ્બેનમાં રમાયેલી ત્રીજી ટેસ્ટ બાદ નિવૃત્તિની જાહેરાત કરીને બધાને ચોંકાવી દીધા હતા.
પોતાની યુટ્યુબ ચેનલ પર વાત કરતા અશ્વિને રાહુલ દ્રવિડને કહ્યું, હું સ્વીકારું છું કે હું મારી ઉંમર વધુ થઈ ગઈ હતી. વારંવાર વિદેશ પ્રવાસ પર જવાનું અને મોટાભાગે બહાર બેસવાનું મને ખૂબ જ પરેશાન કરવા લાગ્યું હતું. એવું નહોતું કે હું ટીમમાં યોગદાન આપવા માંગતો ન હતો પણ પછી તમે વિચારવા લાગો છો કે શું ઘરે બાળકો સાથે સમય વિતાવવો વધુ સારું છે. તેઓ પણ મોટા થઈ રહ્યા છે અને હું અહીં બેસીને શું કરી રહ્યો છું? તો મને લાગ્યું કે હવે મારા મનમાં હંમેશા એવું હતું કે હું 34-35 વર્ષની ઉંમરે નિવૃત્તિ લઈશ. પરંતુ વચ્ચે સતત રમી ન શકવાને કારણે મેં નક્કી કર્યું… “
અશ્વિને વિદેશમાં કેટલી વિકેટ લીધી?
અશ્વિને નવેમ્બર 2011 માં ટેસ્ટ ડેબ્યૂ કર્યું હતું. તેણે ભારતમાં રમાયેલી 65 ટેસ્ટમાં 383 વિકેટ અને વિદેશમાં 40 ટેસ્ટમાં 150 વિકેટ લીધી હતી. તે જ સમયે તેણે તટસ્થ સ્થળે રમાયેલી એકમાત્ર ટેસ્ટ 2019-21 વર્લ્ડ ટેસ્ટ ચેમ્પિયનશિપ ફાઇનલ (ન્યૂઝીલેન્ડ, ઇંગ્લેન્ડ સામે) માં 4 વિકેટ લીધી હતી.
દ્રવિડે અશ્વિનને રોહિત શર્મા વિશે શું કહ્યું?
દ્રવિડે ઇન્ટરવ્યુમાં રોહિત શર્મા વિશે વાત કરી. દ્રવિડે કહ્યું- રોહિત શર્મા શાંત સ્વભાવનો હતો. તે ટીમની ખૂબ કાળજી રાખતો અને સ્પષ્ટપણે પોતાના વિચારો શેર કરતો હતો. તે તેની સૌથી મોટી ખાસિયત હતી. આ જોડી ભારતીય ક્રિકેટ ઇતિહાસમાં સૌથી સફળ કેપ્ટન-કોચ જોડીમાં ગણાતી હતી.
રોહિત અને દ્રવિડના નેતૃત્વ હેઠળ ભારતીય ટીમે શાનદાર પ્રદર્શન કર્યું હતું. ખાસ કરીને સફેદ બોલના ક્રિકેટમાં. ટીમ 2023ના ODI વર્લ્ડ કપની ફાઇનલમાં પહોંચી અને બીજા વર્ષે T20 વર્લ્ડ કપ જીતી લીધો. દ્રવિડે અશ્વિનને કહ્યું – તે ખરેખર મહાન હતું, મને હંમેશા રોહિત વિશે એવું લાગતું હતું કે તે ટીમની ખૂબ કાળજી રાખે છે અને પહેલા દિવસથી જ તે સ્પષ્ટ હતો કે તે ટીમને કેવી રીતે ચલાવવા માંગે છે અને તેના માટે સૌથી મહત્વપૂર્ણ શું છે. અને કોઈપણ કેપ્ટન-કોચ સંબંધમાં આ સૌથી મહત્વપૂર્ણ બાબત છે, ખાસ કરીને મારી કોચિંગની રીતમાં. હું હંમેશા માનું છું કે તે કેપ્ટનની ટીમ હોવી જોઈએ. હું એક ખેલાડી તેમજ કેપ્ટન રહ્યો છું, પરંતુ કેપ્ટને ટીમની દિશા નક્કી કરવાની હોય છે.
રોહિત સાથે કોઈ બળજબરીની મિટિંગો થતી નહીં
દ્રવિડ દ્રવિડે આગળ કહ્યું- ક્યારેક તમારે કેપ્ટનને મદદ કરવી પડે છે જેથી તે સ્પષ્ટતા મેળવે અને મહત્વપૂર્ણ બાબતોને સમજે. મને તેની સાથે સમય વિતાવવાનો અને તેને એક વ્યક્તિ તરીકે જાણવાનો આનંદ મળ્યો. ઘણીવાર અમારી વાતચીત ફક્ત ક્રિકેટ સુધી મર્યાદિત નહોતી. ડિનર વખતે તેની સાથે બેસીને વાત કરવી સરળ હતી. એવું નહોતું કે અમારે મીટિંગ માટે દબાણ કરવું પડ્યું. તેને અંડર-19 ખેલાડી તરીકે જોયા પછી અને તેને પહેલો બ્રેક આપ્યા પછી તેને એક વ્યક્તિ અને નેતા તરીકે વિકસતા જોવું ખરેખર સરસ હતું.
