જયપુર : દેશમાં કોરોના (Corona) વાયરસનો ખતરો ફરી વધી રહ્યો છે. જેથી રાજસ્થાન (Rajsthan)ની અશોક ગેહલોત (Ashok gehlot) સરકારે કોરોના વાયરસને રોકવાના હેતુ માટે નવી માર્ગદર્શિકા (New guidlines) બહાર પાડી છે.
રાજય સરકારે તમામ પ્રકારના ધાર્મિક કાર્યક્રમો (regional program) જેવા કે કાવડ યાત્રા (Kavad yatra), મેળાઓ, સરઘસો અને અન્ય ભીડ એકત્ર કરતા કાર્યક્રમો પર સખત પ્રતિબંધ મૂક્યો છે. આ આદેશ દ્વારા ઉત્તરાખંડ-ઉત્તરપ્રદેશ બાદ હવે રાજસ્થાનમાં પણ શ્રાવણમાં કાવડ યાત્રા પર પ્રતિબંધ મૂકવામાં આવ્યો છે. આ ઉપરાંત 21 જુલાઇએ ઇદ-ઉલ-ઝુહા નિમિત્તે, જાહેર પ્રાર્થના અને મેળાવડાઓના તમામ કાર્યક્રમો પર પ્રતિબંધ મૂકવામાં આવ્યો છે.
રાજસ્થાન ગૃહ વિભાગે શુક્રવારે ધાર્મિક કાર્યક્રમોને લઈને નવી માર્ગદર્શિકા બહાર પાડી છે. જેમાં ધાર્મિક કાર્યક્રમો પરનો આ પ્રતિબંધ 17 જુલાઇથી એટલે કે આજથી અમલમાં આવ્યો છે. આ પ્રતિબંધ અંતર્ગત રાજ્યમાં મેળાઓના આયોજન પર પણ હાલમાં પ્રતિબંધ મૂકવામાં આવ્યો છે. નવી માર્ગદર્શિકા મુજબ, દરેક ધર્મના ધાર્મિક કાર્યક્રમો પર પ્રતિબંધ મૂકવામાં આવશે જેમાં ભીડ એકત્રીત થાય છે. આ અંતર્ગત, જૈન ધર્મના ચાતુર્માસ દરમિયાન પણ, ભીડ ભરાયેલા ધાર્મિક કાર્યક્રમો પર પ્રતિબંધ મૂકવામાં આવ્યો છે. વિશ્વભરના ભક્તો આ કાર્યક્રમમાં ભાગ લેવા આવે છે. હાલમાં, કોરોનાના સંજોગોને ધ્યાનમાં રાખીને ભીડની સંભાવનાને ધ્યાનમાં રાખીને, કોઈપણ જાહેર અને ધાર્મિક સ્થળે કોઈ પણ મેળાવડાને મંજૂરી આપવામાં આવશે નહીં.
તમને જણાવી દઈએ કે રાજસ્થાનમાં અનલોક -4 માં પણ ધાર્મિક કાર્યક્રમો, મેળાઓ અને ધાર્મિક મુલાકાતો અને કોઈપણ પ્રકારની શોભાયાત્રામાં ભીડ એકત્રિત કરવા પર પહેલાથી જ પ્રતિબંધ હતો. જોકે, કાવડ યાત્રા અને ઈદ-ઉલ-ઝુહાને લઈને સતત પ્રશ્નો ઉભા કરવામાં આવી રહ્યા છે. આ મૂંઝવણને દૂર કરવા માટે, ગૃહ વિભાગે એક નવી માર્ગદર્શિકા બહાર પાડી છે અને સ્પષ્ટ રીતે પ્રતિબંધ લાદવાની જોગવાઈ પણ આ માર્ગદર્શિકામાં કરવામાં આવી છે. ધાર્મિક કાર્યક્રમો ઉપરાંત, અનલોકની જૂની માર્ગદર્શિકા પણ હાલની પરિસ્થિતિને જોતા અન્ય તમામ કેસોમાં લાગુ થશે.
તે જ સમયે, નવી માર્ગદર્શિકામાં, ગૃહ વિભાગે પહેલાની જેમ સ્વીમીંગ પૂલ બંધ રાખવાની જોગવાઈ પણ કરી છે. હાલમાં, સ્વિમિંગ પુલો ખોલવાની મંજૂરી મળી નથી. માર્ગદર્શિકા મુજબ જાહેર ઉદ્યાનોને સવારે 5:00 થી બપોરે 4:૦૦ વાગ્યા સુધી ખોલવાની મંજૂરી આપવામાં આવશે. સાથે જ જે લોકોએ રસીનો પ્રથમ ડોઝ લાગુ કર્યો છે તેઓને બપોરે 4:00 વાગ્યાથી 8:00 વાગ્યા સુધી સાર્વજનિક ઉદ્યાનની મુલાકાત લેવાની મંજૂરી આપવામાં આવશે.
