સુરત: ગુજરાત રાજ્ય અને દીવ, દમણ, દાદરા નગર હવેલી માટે હવામાન વિભાગે આગાહી બુલેટિન જાહેર કર્યું છે, ઉત્તર-પશ્ચિમ મધ્ય પ્રદેશ અને પડોશમાં 1.5 કિમી પર મધ્યસ્થ સ્તરથી ઉપર ચક્રવાતનું પરિભ્રમણ ઓછું ચિહ્નિત થયું છે. આગામી 7 દિવસ માટે હવામાનની આગાહી વ્યક્ત કરવામાં આવી છે.
આગામી 2 દિવસ દરમિયાન મહત્તમ તાપમાનમાં કોઈ મોટા ફેરફારની આગાહી, ત્યારપછી આ પ્રદેશમાં ધીમે ધીમે 2-3°C નો વધારો થવાની સંભાવના છે. ગરમ અને ભેજવાળી હવાને કારણે અગવડતાની સ્થિતિ દરિયાકાંઠાના વિસ્તારોમાં પ્રવર્તે તેવી શક્યતા છે .
ગુજરાત પ્રદેશ, સૌરાષ્ટ્ર-કચ્છના તમામ જિલ્લાઓમાં અને દીવ, દમણ, દાદરા નગર હવેલીમાં થોડા સ્થળોએ હળવાથી મધ્યમ વરસાદ,વાવાઝોડાની સંભાવના છે. બીજા દિવસે 16/05/2024 ના રોજ દક્ષિણ ગુજરાત પ્રદેશના ડાંગ, નવસારી, વલસાડ અને દમણ, દાદરા નગર હવેલીના જિલ્લાઓમાં છૂટાછવાયા સ્થળોએ હળવો વરસાદ/વાવાઝોડું થવાની સંભાવના છે.
સૌરાષ્ટ્રના જિલ્લાઓમાં જેમ કે રાજકોટ, પોરબંદર, જૂનાગઢ, અમરેલી, ભાવનગર, મોરબી, દ્વારકા, ગીર સોમનાથ અને દીવમાં. પ્રદેશના બાકીના જિલ્લાઓમાં શુષ્ક હવામાનની સંભાવના છે. તા. 17/05/2024 નાં રોજ દક્ષિણ ગુજરાત પ્રદેશમાં ડાંગ, તાપી, નવસારી, વલસાડ અને દમણ, દાદરા નગર હવેલીમાં છૂટાછવાયા સ્થળોએ હળવા વરસાદની સંભાવના છે. સૌરાષ્ટ્રના જિલ્લાઓમાં જેમ કે રાજકોટ, અમરેલી, ગીર સોમનાથ અને દીવમાં ભારે પવન સાથે વરસાદ પડી શકે છે. પ્રદેશના બાકીના જિલ્લાઓમાં શુષ્ક હવામાનની સંભાવના છે.
સુરતમાં મીની વાવાઝોડા પછી હિટવેવની અસર
સોમવારે મોડીરાતે વાવાઝોડા સાથે વરસાદ બાદ મંગળવારનો દિવસ બફારા, ઉકળાટ સાથે ગરમીનો રહ્યો.ગઇકાલ કરતાં મહત્તમ તાપમાન 1.2 ડિગ્રી વધીને 40 ડિગ્રી નોંધાયો હતો.એને લીધે હિટવેવની અસર જોવા મળી હતી.જોકે મહત્તમ તાપમાન 40 ડિગ્રીથી 6 ડિગ્રી સેલ્સિયસ ઘટી 34 ડિગ્રી નોંધાયું હતું.જ્યારે લઘુત્તમ તાપમાન 27 ડિગ્રી નોંધાયું હતું. દક્ષિણ ગુજરાતમાં સુરત, તાપી, નવસારી, વલસાડ, ડાંગમાં ગાજવીજ સાથે કમોસમી વરસાદની આગાહી હવામાન ખાતા એ કરી છે.
સુરત જિલ્લાના ઓલપાડમાં 31 અને મહુવામાં 15 મીમી વરસાદ પડ્યો
વર્ષમાં ચોથી વાર જળવાયુ પરિવર્તનની અસર સુરત જિલ્લામાં જોવા મળી છે.તા.13/5/2024 નાં સાંજે 6 વાગ્યાથી બીજા દિવસે સવારે 10 વાગ્યા સુધી સુરત જિલ્લાના ઓલપાડમાં 31 મીમી,ઉમરપાડા માં 30 મીમી,મહુવામાં 15 મીમી,બારડોલી 7 મીમી.માંગરોળ 5 અને કામરેજમાં 2 મીમી વરસાદ નોંધાયો હતો
ક્યાં કેટલો વરસાદ
- ઓલપાડમાં 31 મીમી,
- ઉમરપાડા માં 30 મીમી,
- મહુવામાં 15 મીમી,
- બારડોલી 7 મીમી,
- માંગરોળ 5 મીમી
- કામરેજમાં 2 મીમી
