ગાંધીનગર : રાજયમાં આજે પણ સતત ગરમીના પ્રમાણમાં ઘટાડો નોંધાયો છે. ખાસ કરીને રાજકોટમાં 40 ડિગ્રી ગરમી નોંધાવવા પામી છે . જો કે હવામાન વિભાગના વૈજ્ઞાનિકોએ ચેતવણી આપી હતી કે રાજયમાં હવે 24 કલાક પછી ગરમીનો પારો 4 ડિગ્રી સુધી ઉપર જઈ શકે છે. આગામી તા.17મી એપ્રિલ સુધી ગરમીનો પારો સરેરાશ 44 ડિગ્રી આસપાસ રહેશે, તેવી વકી છે. સરેરાશ રાજયમાં 3થી 5 ડિગ્રી જેટલો ગરમીના પ્રમાણમાં ઘટાડો નોંધાયો છે.
હવામાન વિભાગના વૈજ્ઞાનિકોએ આપેલી ચેતવણી અનુસાર , આવતીકાલ તા.13મી એપ્રિલ દરમ્યાન રાજયમાં પ્રતિ કલાકના 30થી 40 કિમીની ઝડપે પવન ફૂંકાવવા ઉપરાંત ગાજવીજ સાથે વરસાદ થવાની વકી રહેલી છે. જેમાં ખાસ કરીને અમદાવાદ, આણંદ, નર્મદા, ભરૂચ, સુરત, ડાંગ, નવસારી, વલસાડ, દમણ, અમરેલી, ભાવનગર અને બોટાદમાં માવઠુ થવાની ચેતવણી ઈસ્યુ કરી દેવામાં આવી છે. જયારે તા.16 થી 18મી એપ્રિલ વચ્ચે બનાસકાંઠા, સાબરકાંઠા, કચ્છ અને રાજકોટમાં હિટ વેવની ચેતવણી ઈશ્યુ કરાઈ છે. આ સાથે આગામી તા.15થી 17મી એપ્રિલ સુધીમાં દક્ષિણ ગુજરાત તથા સૌરાષ્ટ્ર – કચ્છના દરિયાકાંઠાના વિસ્તારોમાં ગરમ અને ભેજયુક્ત હવામાનની આગાહી કરાઈ છે.
હવામાન વિભાગના જણાવ્યા અનુસાર ,રાજયના અન્ય શહેરો પૈકી અમદાવાદમાં 38 ડિ.સે., ડીસામાં 36 ડિ.સે., ગાંધીનગરમાં 37 ડિ.સે., વલ્લભ વિદ્યાનગરમાં 38 ડિ.સે.,વડોદરામાં 37 ડિ.સે., સુરતમાં 33 ડિ.સે., ભૂજમાં 37 ડિ.સે., નલિયામાં 33 ડિ.સે., કંડલા પોર્ટમાં 34 ડિ.સે., કંડલા એરપોર્ટ પર 39 ડિ.સે., અમરેલીમાં 39 ડિ.સે.,ભાવનગરમાં 39 ડિ.સે.,રાજકોટમાં 40 ડિ.સે.,સુરેન્દ્રનગમાં ડિ.સે., મહુવા ડિ.સે., અને કેશોદમાં 35 ડિ.સે. જેટલું મહત્તમ તાપમાન નોંધાવવા પામ્યુ હતું.
