રશિયાના રાષ્ટ્રપતિ વ્લાદિમીર પુતિને સોમવારે (૧૮ ઓગસ્ટ, ૨૦૨૫) ના રોજ પ્રધાનમંત્રી નરેન્દ્ર મોદી સાથે ફોન પર વાત કરી. આ દરમિયાન પુતિને પીએમ મોદીને અલાસ્કામાં અમેરિકન રાષ્ટ્રપતિ ડોનાલ્ડ ટ્રમ્પ સાથેની તાજેતરની મુલાકાત વિશે માહિતી આપી. ટ્રમ્પે રશિયા પાસેથી તેલ ખરીદવા બદલ ભારત પર ૨૫ ટકાનો વધારાનો દંડ લાદ્યો હતો, જેના કારણે આ મુલાકાત ભારત માટે પણ ખૂબ જ મહત્વપૂર્ણ હતી.
પીએમ મોદી અને રશિયન રાષ્ટ્રપતિ પુતિને ફોન પર વાત કરી છે. પીએમ મોદીએ પોતે તેમના X હેન્ડલ પર આ માહિતી આપી છે. પીએમ મોદીએ X પર લખ્યું છે, “મારા મિત્ર, રાષ્ટ્રપતિ પુતિનનો તેમના ફોન કોલ અને અલાસ્કામાં રાષ્ટ્રપતિ ટ્રમ્પ સાથેની તાજેતરની મુલાકાત વિશે માહિતી શેર કરવા બદલ આભાર.”
સોમવારે યોજાયેલી વાટાઘાટો દરમિયાન રશિયન રાષ્ટ્રપતિ અને ભારતીય વડા પ્રધાને દ્વિપક્ષીય સહયોગ પર પણ ચર્ચા કરી. પુતિને ભારતીય નેતાને અલાસ્કામાં યોજાયેલી રશિયા-અમેરિકા બેઠકના પરિણામો વિશે માહિતી આપી. પુતિને PM મોદીને અલાસ્કામાં યોજાયેલી રશિયા-અમેરિકા બેઠકના પરિણામો વિશે માહિતી આપી.
પીએમ મોદીએ ઇન્સ્ટાગ્રામ પર પોસ્ટ કર્યું કે તેમણે ફોન કોલ માટે પુતિનનો આભાર માન્યો. તેમણે કહ્યું કે ભારત યુક્રેન વિવાદના શાંતિપૂર્ણ ઉકેલ માટેના પ્રયાસોને સતત સમર્થન આપે છે. મોદીએ વધુમાં કહ્યું કે તેઓ આગામી દિવસોમાં પુતિન સાથે વાતચીત ચાલુ રાખવા માટે આતુર છે.
પુતિન અને ટ્રમ્પ તાજેતરમાં અલાસ્કામાં મળ્યા હતા
અમેરિકન રાષ્ટ્રપતિ ડોનાલ્ડ ટ્રમ્પ અને તેમના રશિયન સમકક્ષ વ્લાદિમીર પુતિન વચ્ચે અલાસ્કામાં શિખર સંમેલન યોજાયું હતું. આ દરમિયાન રશિયા અને અમેરિકા વચ્ચેના સંબંધો પર વાતચીત થઈ હતી જેમાં યુક્રેનમાં યુદ્ધનો પણ સમાવેશ થાય છે. બેઠક બાદ યોજાયેલી સંયુક્ત પત્રકાર પરિષદમાં વ્લાદિમીર પુતિને કહ્યું હતું કે જો ટ્રમ્પ 2022માં અમેરિકાના રાષ્ટ્રપતિ હોત તો રશિયા અને યુક્રેન વચ્ચે યુદ્ધ ન થયું હોત.
