બરાબર 18 દિવસ પહેલા જ્યારે અલ્લુ અર્જુનની તેલુગુ ફિલ્મ ‘પુષ્પા 2’ રીલિઝ થઈ હતી, ત્યારે કોઈને ખબર નહોતી કે આ ફિલ્મ તે કરશે જે આજ સુધી કોઈ ભારતીય ભાષાની ફિલ્મ કરી શકી નથી. 5મી ડિસેમ્બરે રિલીઝ થયેલી પુષ્પા 2 એ આજે એટલે કે 22મી ડિસેમ્બરને ઐતિહાસિક બનાવી દીધી છે. દિગ્દર્શક સુકુમારના નિર્દેશનમાં બનેલી 2021ની પુષ્પા ધ રાઇઝનો બીજો ભાગ પુષ્પા 2 ધ રૂલ એ આજે 18મા દિવસે દેશની સૌથી વધુ કમાણી કરનાર ફિલ્મ બાહુબલી 2 નો રેકોર્ડ તોડી નાખ્યો છે. એટલું જ નહીં આ ફિલ્મ પાછલા 100 વર્ષની સૌથી મોટી ફિલ્મ બની ગઈ છે.
પુષ્પા 2 બોક્સ ઓફિસ કલેક્શન
પુષ્પા 2 એ 4 ડિસેમ્બરે તેના પ્રીમિયરથી રૂ. 10.65 કરોડની કમાણી કર્યા પછી 17મા દિવસે 1029.9 કરોડ રૂપિયાની કમાણી કરી હતી. ભારતમાં સૌથી વધુ કમાણી કરનાર ટોચની 10 ફિલ્મોની યાદીમાં, પ્રભાસની બાહુબલી 2 રૂ. 1030.42 કરોડની કમાણી કરીને પ્રથમ ક્રમે હતી. હવે પુષ્પા 2 એ તેનાથી વધુ રૂપિયાની કમાણી કરીને આનાથી આગળ નિકળવાનું હતું અને આજે ફિલ્મે તે કરી બતાવ્યું છે. આજે 18માં દિવસે પુષ્પાની કમાણી 1043.95 પર પહોંચી ગઈ છે.
આમ કરીને આ ફિલ્મે સૌથી વધુ કમાણી કરનારી ભારતીય ફિલ્મોની યાદીમાં નંબર 1નું સ્થાન મેળવ્યું છે. ફિલ્મની કમાણી હજુ પણ રેસ જેવી સ્થિતિમાં છે, તે જોતા તે દિવસ દૂર નથી જ્યારે પુષ્પા 2 રૂ. 1100 કરોડનો આંકડો પાર કરશે. તમને જણાવી દઈએ કે ભારતમાં પહેલી ફિલ્મ 1913માં રિલીઝ થઈ હતી. ત્યારથી લઈને અત્યાર સુધી કોઈ પણ ફિલ્મ આ આંકડા સુધી પહોંચી શકી નથી જે પુષ્પા 2 એ હાંસલ કરી છે.
ચાહકો પુષ્પા 3 ની રાહ જોઈ રહ્યા છે
પુષ્પા 2 ના અંતે પુષ્પા 3 થી સંબંધિત એક સંકેત આપવામાં આવ્યો હતો. આનો અર્થ એ છે કે અલ્લુ અર્જુન, રશ્મિકા મંદન્ના અને ફહદ ફાસિલ આગામી વર્ષોમાં ફરી બોક્સ ઓફિસ પર ધમાલ મચાવશે. જોકે પુષ્પા 3ની રિલીઝ ડેટ અંગે હજુ સુધી કોઈ સત્તાવાર જાહેરાત કરવામાં આવી નથી.
