નિર્માતા, આર્ટ ડિઝાઇનર, પેઇન્ટર અને પ્રોડક્શન ડિઝાઇનર સુમિત મિશ્રા નથી રહ્યા. મળતી માહિતી મુજબ તેમણે આત્મહત્યા કરી લીધી છે. તેઓ મણિકર્ણિકા ફિલ્મ ફેસ્ટિવલના જનક હતા. સુમિત મિશ્રાના આકસ્મિક નિધનથી ચાહકો આઘાતમાં છે. સોશિયલ મીડિયા પર એવી અટકળો ચાલી રહી છે કે તે કદાચ આર્થિક સંકટમાંથી પસાર થઈ રહ્યા હતા.
સુમિત મિશ્રાના સોશિયલ મીડિયા એકાઉન્ટને જોઈને અનુમાન લગાવવું મુશ્કેલ છે કે તે કોઈ પ્રકારની મુશ્કેલીમાં હતા. પોતે જે મુસીબતમાં હતા તે વિશે તેમણે કોઈને જાણ ન થવા દીધી અને દુનિયાને અલવિદા કહી દીધું. તેમના મિત્રો સોશિયલ મીડિયા પર પોસ્ટ શેર કરીને શ્રદ્ધાંજલિ આપી રહ્યા છે. ઓમા અક્ક નામના યુઝરે લખ્યું, ‘મણિકર્ણિકા ફિલ્મ ફેસ્ટિવલના પિતા અને અનોખા ફિલ્મ નિર્માતા અને ચિત્રકાર સુમિત જી હવે નથી રહ્યાં.’ રિદ્ધિમા તિવારીએ લખ્યું છે કે કાશ તમે મને એકવાર મને બોલાવી હોત દોસ્ત.
સુમિત મિશ્રા મૂળ બિહારના રહેવાસી હતા. તેઓ બનારસ હિંદુ યુનિવર્સિટીના જૂના વિદ્યાર્થી હતા. સુમિતે વર્ષ 2016માં ફિલ્મ ‘અમૃતા એન્ડ આઈ’થી ડિરેક્ટર તરીકે શરૂઆત કરી હતી. વર્ષ 2020માં તેમણે ખિડકી બનાવી. ત્યારબાદ 2022માં તેણે ‘આગમ’ ડિરેક્ટ કરી. તેમણે ધીમે ધીમે આર્ટ ડિરેક્ટર તરીકે કામ કરવાનું શરૂ કર્યું. આ સિવાય તેઓ અલિફ, નાગિન-3, મધુબાલા, નક્કાશ, વેક અપ ઈન્ડિયા જેવા ઘણા પ્રોજેક્ટ્સમાં આર્ટ ડિરેક્ટર તરીકે જોડાયેલા હતા. આ સિવાય તેઓ એક વ્યાવસાયિક ચિત્રકાર પણ હતા.
સુમિત મિશ્રા બહુમુખી પ્રતિભાથી સમૃદ્ધ હતા. અને તેઓ આનાથી ખુશ હતા. લગભગ અઢી દાયકા પહેલા સુમિત વિઝ્યુઅલ આર્ટિસ્ટ તરીકે માયાનગરી પહોંચ્યા હતા. અનેક આર્ટ એક્ઝિબિશનનું આયોજન કર્યા પછી તેમણે પ્રોડક્શન ડિઝાઇનિંગમાં તકો શોધી કાઢી. સાહિત્ય પ્રત્યેના પ્રેમથી તેમનો લેખનમાં રસ વધ્યો. વિવિધ ક્ષેત્રોમાં કામ કરવા અંગે સુમિત મિશ્રાએ કહ્યું હતું કે એક વસ્તુ બીજી વસ્તુનું વિસ્તરણ છે. હું એકને કારણે બીજાને દૂર કરી શકતો નથી. સત્ય એ છે કે મને મલ્ટિ-ટાસ્કર બનવું ગમે છે. મને મજા આવે છે.
