ટોક્યો પેરાલિમ્પિક 2020: પેરાલિમ્પિક્સના (Tokyo Paralympics) 11 મા દિવસે ભારત (India)ની સુવર્ણ યાત્રા (golden journey) યથાવત રહી છે. ભારતીય બેડમિન્ટન ખેલાડી (badminton player) અને વર્તમાન વર્લ્ડ ચેમ્પિયન પ્રમોદ ભગતે (world champion pramod bhagat) SL3 કેટેગરીના મેન્સ સિંગલ્સ ફાઇનલમાં બેથેલ ડેનિયલ્સને 2-0થી હરાવીને ગોલ્ડ (gold medal) જીત્યો હતો.
ભગત પહેલેથી જ સેટ પર પ્રભુત્વ ધરાવે છે અને ખૂબ જ અંત સુધી લડત ચાલુ રહે છે. તેણે પહેલો સેટ 21-14થી જીત્યો હતો. જોકે, બીજા સેટમાં તેને ગ્રેટ બ્રિટનના ખેલાડી તરફથી જબરદસ્ત પડકારનો સામનો કરવો પડ્યો હતો. જો કે, ભગતે બીજો સેટ પણ 21-17થી જીત્યો હતો. પેરાલિમ્પિક્સમાં ઇતિહાસ રચતી વખતે ભારતે અત્યાર સુધીનું શ્રેષ્ઠ પ્રદર્શન કર્યું છે. ચાર ગોલ્ડ સાથે ભારતે અત્યાર સુધીમાં 16 મેડલ જીત્યા છે. 4 ગોલ્ડની સાથે 7 સિલ્વર અને 5 બ્રોન્ઝ મેડલ પણ ભારતના ખાતામાં આવી ગયા છે.
ભગતે સેમીફાઇનલમાં જાપાનના ફુજીહારા દાયસુકેને 2-0થી હરાવીને ફાઇનલમાં જગ્યા બનાવી હતી. ભગતે પ્રથમ સેટ 21-11થી અને બીજો સેટ 21-16 થી જીત્યો હતો. આ વર્ગીકરણમાં અડધી કોર્ટનો ઉપયોગ કરવામાં આવ્યો છે, તેથી ભગત અને ફુજીહારા દાયસુકે લાંબી રેલીઓ લગાવી. શરૂઆતમાં ભગત 2-4થી પાછળ હતા, પરંતુ બ્રેક સુધી 11-8ની લીડ મેળવી હતી. તે પછી, આ ગતિ જાળવી રાખીને, સતત છ પોઇન્ટ સાથે પ્રથમ ગેમ જીતી. બીજી ગેમમાં તેણે પ્રતિસ્પર્ધીને કોઈ તક આપી ન હતી. મેચ પછી, ભગતે કહ્યું, તે એક મહાન મેચ હતી. તેણે મને કેટલાક સારા શોટ લેવા માટે પ્રેરિત કર્યો.
પ્રથમ ગેમમાં બીજા ક્રમાંકિત બેથેલે શાનદાર શરૂઆત કરી હતી અને એક સમયે 6-3ની લીડ મેળવી હતી. પરંતુ આ પછી પ્રમોદ ભગતે સતત પાંચ પોઈન્ટ લઈને સ્કોર 8-6 કર્યો. રમત અંતરાલ દરમિયાન ભારતીય ખેલાડીએ 11-8ની લીડ મેળવી હતી. પછી બ્રિટિશ ખેલાડીએ આઠ પોઈન્ટ એકત્ર કર્યા બાદ પાછા આવવાનો પ્રયાસ કર્યો, પરંતુ તે અપૂરતો હતો. આખરે પ્રમોદ ભગતે 21 મિનિટમાં પ્રથમ ગેમ જીતી લીધી. બીજી ગેમમાં પણ બેથેલે રમત અંતરાલ સમયે 11-4ની લીડ મેળવવા માટે સારી શરૂઆત કરી હતી. ત્યારબાદ પ્રમોદ ભગતે સતત પોઈન્ટ એકત્ર કરીને સ્કોર 15-15ની બરાબરી કરી હતી. અહીંથી ભારતીય ખેલાડીએ પાછું વળીને જોયું નહીં અને બીજી ગેમ 24 મિનિટમાં 21-17થી જીતીને ગોલ્ડ મેડલ જીત્યો.
પેરાલિમ્પિક્સમાં પ્રમોદનું સફર
પ્રમોદ ભગતે ગ્રુપ A માં પોતાની બંને મેચ જીતીને સેમિફાઇનલમાં જગ્યા બનાવી હતી. બુધવારે તેની પ્રથમ મેચમાં તેણે દેશબંધુ મનોજ સરકારને 21-10, 21-23થી હરાવી દીધો. ત્યારબાદ પ્રમોદે ગુરુવારે યુક્રેનના ઓલેક્ઝાન્ડર ચિરકોવને 21-12, 21-9થી હરાવ્યો. ત્યારબાદ શનિવારે સેમિફાઇનલ મેચમાં પ્રમોદે જાપાનના દાયસુકે ફુજિહારાને 21-11, 21-16થી હરાવ્યો હતો.
