નવી દિલ્હી(NewDelhi): વર્ષ 2022-23માં ભારતના ગરીબી દરમાં મોટો ઘટાડો (Poverty Reduced In India) થયો છે. એવું સ્ટેટ બેન્ક ઓફ ઈન્ડિયા (SBI) રિસર્ચનું કહેવું છે. રિપોર્ટ અનુસાર આ સમયગાળા દરમિયાન ભારતનો ગરીબી દર ઘટીને 4.5 થી 5% પર આવી ગયો છે.
ગ્રામીણ ગરીબી અને શહેરી ગરીબી બંનેમાં ઘટાડો થયો છે. જ્યારે ગ્રામીણ ગરીબી ઘટીને 7.2% થઈ ગઈ છે, જ્યારે શહેરી ગરીબી ઘટીને 4.6% થઈ ગઈ છે. જો વર્ષ 2011-12 સાથે સરખામણી કરવામાં આવે તો ગામડાઓમાં ગરીબીનો દર 25.7% હતો, જે હવે ઘટીને 7.2% થઈ ગયો છે.
આ સમયગાળા દરમિયાન શહેરી ગરીબી 13.7% હતી, જે ગયા વર્ષ સુધીમાં ઘટીને 4.6% થઈ ગઈ છે. એસબીઆઈ રિસર્ચે તેના ઘરગથ્થુ વપરાશ ખર્ચ સર્વેના (Household Consumption Expenditure Survey) ડેટાને ટાંકીને આ અહેવાલ આપ્યો છે. જેમાં ગરીબી દર ઘટવા પાછળનું કારણ કેન્દ્ર સરકારની યોજનાઓના અમલીકરણને સમજાવવામાં આવ્યું છે.
સંશોધન અહેવાલ કહે છે કે 2018-2019 થી ગ્રામીણ ગરીબીમાં 440 બેસિસ પોઈન્ટ્સનો મોટો ઘટાડો થયો છે અને કોવિડ પછી શહેરી ગરીબીમાં 170 બેસિસ પોઈન્ટ્સનો ઘટાડો થયો છે. અહેવાલમાં એવો અંદાજ લગાવવામાં આવ્યો હતો કે ગામડાઓમાં ગરીબી રેખાનો નવો દર અથવા વપરાશનું મૂળભૂત સ્તર રૂ. 1,622 હતું અને શહેરોમાં રૂ. 1929 હતું.
રિપોર્ટમાં કહેવામાં આવ્યું છે કે ગામડાઓ અને શહેરોમાં માથાદીઠ વપરાશ અને ગ્રામીણ ઇકો સિસ્ટમમાં સુધારા પાછળના કારણો સરકારની ઘણી યોજનાઓ છે, જેમ કે ડીબીટી ટ્રાન્સફર, ગ્રામીણ ઇન્ફ્રાસ્ટ્રક્ચર અને ખેડૂતોની આવક વધારવાના પ્રયાસો. આનાથી ગ્રામીણ ભારતમાં જીવન ધોરણમાં સુધારો થયો છે. તે એમ પણ કહે છે કે બિહાર, ઉત્તર પ્રદેશ અને મધ્યપ્રદેશ જેવા પછાત ગણાતા રાજ્યોની ઇકોસિસ્ટમ પણ ઝડપથી સુધરી રહી છે.
પીએમ મોદીએ ગરીબી દર પર પણ નિવેદન આપ્યું હતું
વડાપ્રધાન નરેન્દ્ર મોદીએ સોમવારે કહ્યું હતું કે ભારતમાં ગરીબી હવે તેના સૌથી નીચા સ્તરે છે. કારણ કે એક દાયકા પહેલાની સરખામણીમાં ઘર ખર્ચ અઢી ગણો વધ્યો છે. એક મીડિયા હાઉસના એક કાર્યક્રમમાં જણાવ્યું હતું કે શહેરી ભારત કરતાં ગ્રામીણ ભારતમાં વપરાશ વધુ ઝડપે વધ્યો છે.
તેમણે કહ્યું કે ડેટા દર્શાવે છે કે લોકોની વિવિધ સેવાઓ અને સુવિધાઓ પર ખર્ચ કરવાની ક્ષમતા વધી છે અને હવે તેમની પાસે ખોરાક સિવાય અન્ય વસ્તુઓ પર વધુ પૈસા વાપરવા માટે છે. મોદીએ કહ્યું કે, ગામડાઓ, ગરીબો અને ખેડૂતો પર અમારું ધ્યાન કેન્દ્રિત થવાને કારણે આવું બન્યું છે.
