વડોદરા: શહેરના લક્ષ્મીપુરા વિસ્તારમાં સ્થાનિક પોલીસે જુગારધામ પર દરોડા પાડી 6 જુગારીઓને પકડી પાડ્યા હતા. પોલીસે રૂ. 10,650ની મતાનો મુદ્દામાલ કબ્જે કરી તમામ જુગારીઓ વિરુદ્ધ સ્થાનિક પોલીસ મથકમાં જુગારધારા કલમ હેઠળ ગુનો નોંધી કાયદેસરની કાર્યવાહી હાથ ધરી છે. શહેરની લક્ષ્મીપુરા પોલીસ સ્ટેશન વિસ્તારમાં પેટ્રોલિંગ કરી હતી. ત્યારે પેટ્રોલિંગ દરમિયાન રામી સ્કૂલ પાસે પહોંચતા બાતમી મળી હતી કે, લક્ષ્મીપુરા ગામ તળાવ પાસે ખુલ્લામાં કેટલાક લોકો ભેગા મળી જુગાર રમી રહ્યા છે. ત્યારે પોલીસે બાતમીના આધારે લક્ષ્મીપુરા તળાવ પાસે દરોડો પાડી જુગાર રમી રહેલા 6 લોકોને પકડી પાડ્યા હતા.
પોલીસે અક્ષય બાબુભાઈ રાઠોડ (રહે, નવીનગરી વસાહત, લક્ષ્મીપુરા પોલીસ સ્ટેશન બાજુમાં), ગોપાલ ધીરુભાઈ રાઠોડ (રહે, નવીનગરી ઝુપ્પડપટ્ટી, લક્ષ્મીપુરા પોલીસ સ્ટેશન બાજુમાં), કિશન રમેશભાઈ રાઠોડ (રહે, નવીનગરી ઝુપ્પડપટ્ટી), લક્ષ્મીપુરા પોલીસ સ્ટેશન બાજુમાં), રાજુ રમેશભાઈ રાઠોડ (રહે, નવીનગરી વસાહત,લક્ષ્મીપુરા પોલીસ સ્ટેશન બાજુમાં), ચીમન ભાઇલાલભાઈ વસાવા (રહે, નવીનગરી ઝુપ્પડપટ્ટી, લક્ષ્મીપુરા પોલીસ સ્ટેશન બાજુમાં) અને સુરેશ અશોકભાઈ રાઠોડ (રહે, નવીનગરી ઝુપ્પડપટ્ટી, લક્ષ્મીપુરા પોલીસ સ્ટેશન બાજુમાં)ને ઝડપી પાડ્યા હતા. પોલીસે અંગઝડતીના રૂ. 8110, અને જ઼મીનદાવના રૂ,2540 મળી કુલ રૂ. 10,650ની મતાનો મુદ્દામાલ કબ્જે કર્યો હતો. પોલીસે તમામ જુગારીઓ વિરુદ્ધ જુગારધારા કલમ હેઠળ ગુનો નોંધી વધુ કાર્યવાહી હાથ ધરી છે
