કેરળઃ કેરળમાં મલયાલમ અભિનેત્રી હની રોઝે પ્રખ્યાત બિઝનેસમેન બોબી ચેમ્માનુર વિરુદ્ધ પોલીસ ફરિયાદ નોંધાવી હતી. સ્પેશિયલ ઇન્વેસ્ટિગેશન ટીમ (SIT)એ હવે તેને કસ્ટડીમાં લીધો છે. અભિનેત્રીએ બિઝનેસમેન બોબી ચેમ્માનુર વિરુદ્ધ અશ્લીલ વર્તન અને ઓનલાઈન હેરેસમેન્ટના આરોપમાં પોલીસ ફરિયાદ નોંધાવી હતી.
હની રોઝે 7 જાન્યુઆરીએ એર્નાકુલમ સેન્ટ્રલ પોલીસ સ્ટેશનમાં ફરિયાદ નોંધાવી હતી. અભિનેત્રીનો આરોપ છે કે બિઝનેસમેન તેના પર વાંધાજનક ટિપ્પણીઓ કરતો હતો. પોલીસની કાર્યવાહી પર અભિનેત્રીએ પ્રતિક્રિયા આપી હતી
એક અધિકારીએ જણાવ્યું હતું કે બોબી ચેમ્માનુરને બિનજામીનપાત્ર કલમો હેઠળ તેની સામે કેસ નોંધવામાં આવ્યા બાદ પોલીસે તેને વાયનાડથી ઝડપી લીધો હતો. રોઝે એક ન્યૂઝ ચેનલને જણાવ્યું કે આજનો દિવસ તેમના માટે શાંતિપૂર્ણ હતો અને મુખ્ય પ્રધાન પિનરાઈ વિજયને જ્યારે તેમની સાથે આ મુદ્દો ઉઠાવ્યો ત્યારે તેમને કડક પગલાં લેવાની ખાતરી આપી હતી.
અભિનેત્રીએ સોશિયલ મીડિયા પોસ્ટમાં પોતાનું દર્દ વ્યક્ત કર્યું હતું. તેણે કહ્યું હતું કે તેને હેરાન કરવામાં આવી રહી છે પરંતુ કોઈનું નામ લીધું ન હતું. તેમના નિવેદન પછી સોશિયલ મીડિયા પર સાયબર હુમલાઓનું પૂર આવ્યું અને પોલીસે ડઝનેક ધરપકડ કરી.
અભિનેત્રીએ બિઝનેસમેન પર કયા આરોપ લગાવ્યા?
અભિનેત્રીએ 5 જાન્યુઆરીએ પોતાનો અનુભવ શેર કરતી વખતે ખુલાસો કર્યો હતો કે બિઝનેસમેન સતત તેણીને ડબલ મિનીંગની ટિપ્પણીઓ કરતો હતો અને ઇવેન્ટ્સમાં પણ તેને ફોલો કરતો હતો.
અભિનેત્રીએ કહ્યું હતું કે તે સામાન્ય રીતે આવી બાબતોની અવગણના કરે છે, પરંતુ આ કિસ્સામાં અપમાનને કારણે પ્રતિક્રિયા આપવાની જરૂર હતી. હની રોઝે કહ્યું કે આ વ્યક્તિ ફંક્શનમાં જતો હતો જ્યાં તેને આમંત્રણ મળતું હતું. જાહેરમાં તેમના વિશે અપમાનજનક ટિપ્પણીઓ કરી
