જમ્મુ અને કાશ્મીરના પહેલગામના બૈસરન વિસ્તારમાં આજે બપોરે લગભગ 2:30 વાગ્યે આતંકવાદીઓએ પ્રવાસીઓ પર અંધાધૂંધ ગોળીબાર કર્યો. પીટીઆઈએ એક અધિકારીને ટાંકીને જણાવ્યું હતું કે આતંકવાદી હુમલામાં 26 પ્રવાસીઓ માર્યા ગયા હતા અને 20 ઘાયલ થયા હતા. ઘટનાસ્થળે અંધાધૂંધી છે, અને બચાવ કામગીરી ચાલુ છે.
આતંકીએ કહ્યુ , જાવ અને આ વાત મોદીને કહો..
કર્ણાટકના એક ઉદ્યોગપતિની પત્ની, જે પોતાના નાના પુત્ર સાથે બૈસરન વિસ્તારની મુલાકાતે આવી હતી, તેણે ઇન્ડિયા ટુડેને આ ભયાનક ઘટનાની વાત કહી . તેમના મતે:પલ્લવીએ હુમલાની ભયાનક ક્ષણો યાદ કરી. “અમે ત્રણ – હું, મારા પતિ અને અમારો દીકરો – કાશ્મીર ગયા હતા. મને લાગે છે કે બપોરે 1.30 વાગ્યાની આસપાસ આ ઘટના બની હતી. અમે પહેલગામમાં હતા . તે મારી નજર સામે જ ઘટનાસ્થળે મૃત્યુ પામ્યો,” તેણીએ ઉમેર્યું, “તે હજુ પણ ખરાબ સ્વપ્ન જેવું લાગે છે. મેં કહ્યું મને પણ મારી નાખો. તો આતંકીએ કહ્યુ હું તમને નહીં મારુ. તમે આ વાત મોદી ને કહેજો.
આતકીઓને બક્ષવામાં નહીં આવે: મોદી
હુમલાના સમાચાર મળતાં જ, વડા પ્રધાન નરેન્દ્ર મોદીએ, જેઓ હાલમાં સાઉદી અરેબિયાના પ્રવાસે છે, તાત્કાલિક ગૃહમંત્રી અમિત શાહ પાસેથી રિપોર્ટ લીધો અને તેમને પરિસ્થિતિનો તાગ મેળવવા નિર્દેશ આપ્યો. આ પછી અમિત શાહે ટ્વીટ કરીને માહિતી આપી કે તેઓ પોતે શ્રીનગર જઈ રહ્યા છે અને તમામ સુરક્ષા એજન્સીઓ સાથે કટોકટી સમીક્ષા બેઠક કરશે. પ્રધાનમંત્રી મોદીએ ટ્વિટર પર આ હુમલાની કડક નિંદા કરતા કહ્યું, “હું પહેલગામમાં થયેલા આતંકવાદી હુમલાની સખત નિંદા કરું છું. જે પરિવારોએ પોતાના પ્રિયજનો ગુમાવ્યા છે તેમના પ્રત્યે મારી સંવેદના. ઘાયલોના ઝડપથી સ્વસ્થ થવાની કામના કરું છું. આ જઘન્ય હુમલા પાછળના લોકોને બક્ષવામાં આવશે નહીં. તેમનો એજન્ડા ક્યારેય સફળ થશે નહીં. આતંકવાદ સામેનો આપણો સંકલ્પ વધુ મજબૂત બનશે.”
અમિત શાહનો કડક સંદેશ, તાત્કાલિક શ્રીનગર જવા રવાના
હુમલાની માહિતી મળ્યા બાદ કેન્દ્રીય ગૃહમંત્રી અમિત શાહ શ્રીનગર જવા રવાના થઈ ગયા છે. તેમની સાથે જમ્મુ અને કાશ્મીરના લેફ્ટનન્ટ ગવર્નર મનોજ સિંહા પણ છે. શ્રીનગર જતા પહેલા, તેમણે X પર કડક સ્વરમાં આતંકવાદીઓને ચેતવણી આપી, “પહલગામમાં પ્રવાસીઓ પર થયેલા આતંકવાદી હુમલાથી હું દુઃખી છું. મૃતકોના પરિવારો પ્રત્યે મારી સંવેદના. આ જઘન્ય હુમલામાં સામેલ લોકોને બક્ષવામાં આવશે નહીં, તેમને સૌથી કડક સજા આપવામાં આવશે.” તેમણે કહ્યું કે તેમણે પીએમ મોદીને પરિસ્થિતિ વિશે જાણ કરી છે અને વીડિયો કોન્ફરન્સિંગ દ્વારા અધિકારીઓ સાથે બેઠક પણ કરી છે.લશ્કર-એ-તૈયબા સાથે જોડાયેલા એક સંગઠને હુમલાની જવાબદારી સ્વીકારીહુમલા પછી તરત જ, સોશિયલ મીડિયા પર એક તસવીર વાયરલ થઈ જેમાં ધ રેઝિસ્ટન્સ ફ્રન્ટ (TRF) એ હુમલાની જવાબદારી લીધી. આ સંગઠન લશ્કર-એ-તૈયબાનો એક ભાગ માનવામાં આવે છે.
પ્રવાસીઓને ભાગવાનો મોકો ન મળ્યો
સાક્ષીઓના જણાવ્યા મુજબ, ગોળીબાર એટલો અચાનક થયો કે પરિવારોને સ્વસ્થ થવાની તક પણ મળી નહીં. ઘણા લોકો પોતાનો જીવ બચાવવા માટે ઝાડીઓમાં છુપાઈ ગયા અને કેટલાક ટેકરીઓ તરફ ભાગ્યા, પરંતુ ઘણા લોકોને ગોળીઓ વાગી ગઈ. મૃતકોમાંથી એકની ઓળખ કર્ણાટકના 47 વર્ષીય મંજુનાથ તરીકે થઈ છે. વિસ્તારને ઘેરી લેવામાં આવ્યો છે અને બચાવ કામગીરી ચાલુ છે.
હુમલા બાદ સુરક્ષા દળોએ બૈસરન અને તેની આસપાસના વિસ્તારોને ઘેરી લીધા છે. આ સ્થળે ફક્ત પગપાળા અથવા ઘોડા દ્વારા જ પહોંચી શકાય છે, જેના કારણે બચાવ કાર્યમાં મુશ્કેલીઓ પડી રહી છે. સેના અને સીઆરપીએફનું સંયુક્ત ઓપરેશન ચાલુ છે.
