નવી દિલ્હી, તા. ૩૦(પીટીઆઈ): વિપક્ષ શાસિત રાજ્યોએ જીએસટી રેટ સ્લેબની સંખ્યા અને મોટા પાયે વપરાશની વસ્તુઓ માટેના દરોમાં ઘટાડો કરવા માટે પોતાનો ટેકો આપ્યો છે, તે સાથે જ ગ્રાહકો સુધી આનો લાભ પહોંચે તે સુનિશ્ચિત કરવા માટે એક પદ્ધતિની માંગ કરી છે, એમ કોંગ્રેસના નેતા જયરામ રમેશે આજે જણાવ્યું હતું.
તેમણે એમ પણ કહ્યું કે કોંગ્રેસને આશા છે કે આવતા સપ્તાહની જીએસટી કાઉન્સિલની બેઠક ફક્ત મોદી સરકારની લાક્ષણિક હેડલાઇન-કબજે કરવાની કવાયત નહીં હોય. રમેશના જણાવ્યા મુજબ, આઠ વિપક્ષ શાસિત રાજ્યોએ પાંચ વર્ષના સમયગાળા માટે તમામ રાજ્યોને વળતરની માંગ પણ કરી છે, જેમાં ૨૦૨૪-૨૫ને આધાર વર્ષ તરીકે ગણવામાં આવશે, કારણ કે દર ઘટાડાથી તેમની આવક પર પ્રતિકૂળ અસર થવાની શક્યતા છે. તેમણે કહ્યું કે, તેમણે હાનિકારક અને વૈભવી ચીજવસ્તુઓ પર પ્રસ્તાવિત ૪૦ ટકાથી વધુ વધારાની કરવેરાની આવક સંપૂર્ણપણે રાજ્યોને ટ્રાન્સફર કરવાની માંગ કરી છે.
આઠ વિપક્ષ શાસિત રાજ્યો – કર્ણાટક, હિમાચલ પ્રદેશ, ઝારખંડ, કેરળ, પંજાબ, તમિલનાડુ, તેલંગાણા અને પશ્ચિમ બંગાળ – એ GST રેટ સ્લેબની સંખ્યામાં ઘટાડો અને મોટા પાયે વપરાશની વસ્તુઓ માટેના દરોમાં ઘટાડો કરવા માટે પોતાનો ટેકો આપ્યો છે એમ કોંગ્રેસના મહાસચિવ અને સંદેશાવ્યવહાર પ્રભારીએ X પર જણાવ્યું. તેમણે કહ્યું કે આ રાજ્યોએ એવી પદ્ધતિની પણ માંગ કરી છે જે સુનશ્ચિત કરે કે દર ઘટાડાનો લાભ ગ્રાહકો સુધી પહોંચે. રમેશે જણાવ્યું હતું કે, તેમણે પાંચ વર્ષના સમયગાળા માટે તમામ રાજ્યોને વળતર આપવાની પણ માંગ કરી છે, કારણ કે દર ઘટાડાથી તેમની આવક પર પ્રતિકૂળ અસર થવાની શક્યતા છે. તેમણે કહ્યું કે, આઠ વિપક્ષ શાસિત રાજ્યોએ ‘હાનિકારક’ અને લક્ઝરી ચીજવસ્તુઓ પર વધારાના વેરા રાજ્યોને સંપૂર્ણપણે ટ્રાન્સફર કરવાની પણ માંગ કરી છે, તેમણે ઉમેર્યું હતું કે કેન્દ્રને તેની આવકનો લગભગ 17-18 ટકા વિવિધ સેસમાંથી મળે છે જે રાજ્યો સાથે વહેંચવામાં આવતા નથી.
