નૂહ: જેલમાં (Jail) બંધ નૂહ હિંસાના (NuhRiots) આરોપી બિટ્ટુ બજરંગી (BittuBajrangi) ઉર્ફે રાજકુમારને જામીન (Bail) મળી ગયા છે. 15 ઓગસ્ટની સાંજે ફરીદાબાદથી (Faridabad) તેની ધરપકડ (Arrest) કરવામાં આવી હતી. બિટ્ટુ બજરંગીએ પોતે નૂહમાં બ્રજમંડલ યાત્રા દરમિયાન સોશિયલ મીડિયા (SocialMedia) પર ભડકાઉ પોસ્ટ કરી હિંસા ભડકાવી હોવાનો આરોપ છે.
યાત્રા દરમિયાન ભડકાઉ ભાષણ આપવાના આરોપમાં CIA તાવડુ પોલીસે ફરીદાબાદ સ્થિત ઘરેથી બિટ્ટુ બજરંગીની ધરપકડ કરી હતી, ત્યારબાદ તેમને નુહ જિલ્લા કોર્ટમાં રજૂ કરાયા હતા. 14 દિવસની જ્યુડિશિયલ કસ્ટડી બાદ એડીજે કોર્ટે આજે બિટ્ટુ બજરંગીને જામીન આપ્યા હતા.
બજરંગ દળના બિટ્ટુ બજરંગીની સીઆઈએ તાવડુએ નૂહ હિંસા કેસમાં ધરપકડ કરી હતી. બિટ્ટુ બજરંગી વિરુદ્ધ નૂહ પોલીસ સ્ટેશનમાં વિવિધ કલમો હેઠળ કેસ નોંધવામાં આવ્યો હતો. એએસપી ઉષા કુંડુની ફરિયાદ પર બિટ્ટુ બજરંગી વિરુદ્ધ કેસ નોંધવામાં આવ્યો હતો. નૂહ હિંસા કેસમાં બિટ્ટુ બજરંગી પર કલમ 148, 149, 332, 353, 186, 395, 397, 506, 25, 54, 59 લગાવવામાં આવી હતી.
આ કેસમાં અત્યાર સુધીમાં 60 એફઆઈઆર નોંધાઈ છે, જેમાંથી 49 તોફાનો અને 11 સાયબર એફઆઈઆર છે. આ સિવાય નૂહ હિંસામાં 306 લોકોની ધરપકડ પણ કરવામાં આવી છે. જેમાંથી 305 લોકોની તોફાનોમાં ધરપકડ કરવામાં આવી છે અને સાયબર કેસમાં એકની ધરપકડ કરવામાં આવી છે.
બિટ્ટુ બજરંગીની ધરપકડ થયા પછી, વિશ્વ હિન્દુ પરિષદે પોતાને બજરંગ દળનો કાર્યકર ગણાવતા બિટ્ટુ સાથે કોઈ સંબંધ હોવાનો ઇનકાર કર્યો હતો. VHPએ કહ્યું કે બિટ્ટુનો ક્યારેય બજરંગ દળ સાથે કોઈ સંબંધ રહ્યો નથી. વિશ્વ હિન્દુ પરિષદ પણ તેણે સોશિયલ મીડિયા પર પોસ્ટ કરેલા વીડિયોને ખોટો ગણાવે છે.
એફઆઈઆર મુજબ, બિટ્ટુ અને તેના સમર્થકોએ એએસપી ઉષા કુંડુની ટીમને તલવાર અને ત્રિશૂળ સાથે નલ્હાર મંદિરમાં જતા રોકવામાં આવી ત્યારે ગેરવર્તણૂક કરી અને ધમકી પણ આપી, ત્યારબાદ બજરંગીની ઓળખ સોશિયલ મીડિયા પોસ્ટ દ્વારા થઈ હતી.
શું છે નૂહ હિંસા કેસ?
દર વર્ષની જેમ હરિયાણાના નૂહમાં હિન્દુ સંગઠનોએ 31મી જુલાઈએ બ્રીજમંડલ યાત્રા કાઢવાની જાહેરાત કરી હતી. તે માટે તંત્ર પાસેથી મંજૂરી પણ લેવામાં આવી હતી, પરંતુ બ્રીજમંડળ યાત્રા દરમિયાન તેના પર પથ્થરમારો થયો હતો. થોડા જ સમયમાં બે સમુદાયો વચ્ચે હિંસા ફાટી નીકળી હતી.
સેંકડો કારોને આગ ચાંપી દેવામાં આવી હતી. સાયબર પોલીસ સ્ટેશન પર પણ હુમલો કરવામાં આવ્યો હતો. ફાયરિંગ પણ થયું હતું. પોલીસ પર પણ હુમલો કરવામાં આવ્યો હતો. નૂહ બાદ સોહનામાં પણ પથ્થરમારો અને ગોળીબાર થયો હતો. વાહનોને આગ ચાંપવામાં આવી હતી. આ પછી હિંસાની આગ નૂહથી ફરીદાબાદ-ગુરુગ્રામ સુધી ફેલાઈ હતી.
![](https://gujaratmitra.in/wp-content/uploads/2022/04/gujaratmitraDOTin-Copy.png)