NEET વિવાદ પર સુપ્રીમ કોર્ટમાં 40 થી વધુ અરજીઓ પર સુનાવણી CJI DY ચંદ્રચુડની બેંચ સમક્ષ સમાપ્ત થઈ. આ ચોથી સુનાવણી હતી. કોર્ટે કહ્યું કે NEET માં 2 જવાબો સાથેના પ્રશ્નોની તપાસ થવી જોઈએ, SC એ IIT દિલ્હીના ડિરેક્ટરને નિષ્ણાત પેનલ બનાવવાનું કહ્યું. આવતીકાલે 12 વાગ્યા સુધીમાં રિપોર્ટ આપવા જણાવ્યું હતુ.
નીટ મામલે ચુકાદો આપતાં બેન્ચે કહ્યું કે NEET UG 2024ની પરીક્ષામાં ઉમેદવારોએ પ્રશ્ન માટે એક સાચો વિકલ્પ પસંદ કરવાનો હતો. પરીક્ષામાં એક પ્રશ્ન હતો જેમાં બે સાચા વિકલ્પો હતા. NTA એ આન્સર કીમાં માત્ર 1 સાચો જવાબ આપવો જોઈએ. 2 સાચા વિકલ્પો આપીને 44 વિદ્યાર્થીઓને બોનસ માર્ક્સ મળ્યા અને 4.2 લાખ ઉમેદવારોને નુકસાન થયું. આ અંગે IIT દિલ્હીના નિષ્ણાતોનો અભિપ્રાય લેવામાં આવે.
કોર્ટે કહ્યું કે અમે IIT દિલ્હીના ડાયરેક્ટરને આ મામલે 3 સભ્યોની એક્સપર્ટ કમિટી બનાવવાની વિનંતી કરીએ છીએ. નિષ્ણાત ટીમ યોગ્ય વિકલ્પ પસંદ કરશે અને બપોરે 12 વાગ્યા સુધીમાં રજિસ્ટ્રારને પોતાનો અભિપ્રાય મોકલશે. વધુમાં CJI એ અરજદારોને આજે સાંજ સુધીમાં અડધા પેજમાં NEET UG રિટેસ્ટની તરફેણમાં દલીલોની લેખિત સબમિશન ઈ-મેલ કરવા જણાવ્યું છે.
સુનાવણી દરમિયાન NTAએ સ્વીકાર્યું કે 3300થી વધુ વિદ્યાર્થીઓને ખોટા પેપર આપવામાં આવ્યા હતા. તેમને SBIને બદલે કેનેરા બેંકના પેપર આપવામાં આવ્યા હતા. CJIએ કહ્યું કે આરોપીઓના નિવેદન અલગ છે. જો પેપર લીક (4 મે) ની રાત્રે થયું હોય તો દેખીતી રીતે લીક પરિવહન દરમિયાન થયું ન હતું પરંતુ સ્ટ્રોંગ રૂમની તિજોરી પહેલાં થયું હતું. સંજય હેગડે અને મેથ્યુસ નેદુમપારા સાથે વરિષ્ઠ વકીલ નરેન્દ્ર હુડ્ડા અરજદારો તરફથી હાજર થઈ રહ્યા હતા જ્યારે સોલિસિટર જનરલ (SG) તુષાર મહેતા NTA અને કેન્દ્ર તરફથી હાજર થઈ રહ્યા હતા.
![](https://gujaratmitra.in/wp-content/uploads/2022/04/gujaratmitraDOTin-Copy.png)