નવસારી નજીક ધારાગીરી ગામ પાસે પૂર્ણા નદીમાં પાંચ લોકો ડૂબી ગયા હતા જેમાંથી એકનું મોત થયું છે. 4 મહિલાઓ અને 1 પુરુષ નદીમાં ડૂબી ગયા હતા. આ દુર્ઘટનામાં ત્રણ મહિલાઓને બચાવી લેવામાં આવી છે જ્યારે એક મહિલાનું મોત થયું છે જ્યારે એક યુવક ગુમ છે. ભાભીને બચાવવા જતા દિયરે નદીમાં ઝંપલાવ્યું હતું. યુવકની શોધખોળ ચાલું છે.
નવસારીના ધરાગીરી ગામ પાસેથી વહેતી પૂર્ણા નદીમાં 4 મહિલાઓ અને 1 પુરૂષ નદીમાં ડૂબ્યા હોવાના સમાચાર પ્રાપ્ત થયા છે. નદીમાં કપડાં ધોવા ગયેલી ચાર મહિલાઓમાંથી એક મહિલા ડૂબવા લાગી હતી. તેને બચાવવા માટે અન્ય મહિલાઓ પણ નદીમાં ઉતરતાં તે પણ ડૂબી ગઇ હતી. આ દુર્ઘટનામાં ત્રણ મહિલાઓને બચાવી લેવામાં આવી છે. જ્યારે એક મહિલાનું ડૂબી જવાથી મોત નીપજ્યું છે.
ધારાગીરી ગામ પાસે પૂર્ણા નદીના ઓવારા પર ચાર મહિલાઓ કપડાં ધોવા માટે ગઈ હતી. આ દરમિયાન એક મહિલા નદીમાં ડૂબવા લાગી. તેને બચાવવા માટે અન્ય મહિલાઓ પણ પાણીમાં ઉતરી પરંતુ તેઓ પણ ડૂબવા લાગી હતી. આ દરમિયાન માછીમારોએ તાત્કાલિક પાણીમાં જાળ નાખીને ત્રણ મહિલાઓને બચાવી લીધી હતી અને એક મહિલાનો મૃતદેહ નદીમાંથી બહાર કાઢ્યો હતો. હાલ મૃતદેહને નવસારી હોસ્પિટલ ખાતે ખસેડવામાં આવ્યો છે. મહિલાઓને ડૂબતાં જોઇ સ્થાનિક યુવકે નદીમાં કૂદકો લગાવ્યો હતો પરંતુ તે નદીના પ્રવાહમાં ગુમ થઇ ગયો હતો. મહિલા અને યુવક દિયર-ભાભી હોવાનું જાણવા મળ્યું છે. આ યુવકની શોધખોળ કરી રહી છે.
યુવક પાણીમાં ગુમ
મહિલાઓને ડૂબતા જોઈને એક યુવકે તેની ભાભી સહિતની મહિલાઓને બચાવવા માટે પાણીમાં ઝંપલાવ્યું હતું. પરંતુ તે યુવક પણ નદીના પ્રવાહમાં ગુમ થઈ ગયો હતો. નદી પાસેથી પસાર થઈ રહેલા માછીમારોએ તાત્કાલિક જાળ નાખી ત્રણ મહિલાઓનો જીવ બચાવ્યો હતો.
