મોસ્કોઃ (Moscow) યુક્રેન સાથે ચાલી રહેલા યુદ્ધ વચ્ચે રાષ્ટ્રપતિ વ્લાદિમીર પુતિને (President Vladimir Putin) ગુરુવારે પશ્ચિમી દેશોને સૌથી મોટી ચેતવણી આપી છે. તેનાથી યુરોપથી લઈને અમેરિકા સુધી ગભરાટ ફેલાયો છે. પુતિને પશ્ચિમી દેશોને પડકાર ફેંકતા કહ્યું છે કે જો તેઓ (યુરોપ કે પશ્ચિમી દેશો) યુક્રેનમાં લડવા માટે તેમની સેના મોકલશે તો રશિયા પરમાણુ હુમલો કરી શકે છે. પુતિને કહ્યું છે કે જો યુરોપ અને પશ્ચિમ યુક્રેનમાં રશિયા વિરુદ્ધ સૈનિકો મોકલવા માટે પગલાં લેશે તો પરમાણુ યુદ્ધનો (Nuclear War) ખતરો છે. તેમણે કહ્યું કે મોસ્કો પાસે પશ્ચિમના લક્ષ્યો પર હુમલો કરવા માટેના હથિયારો છે.
રાષ્ટ્રપતિ પુતિન યુક્રેન સાથેના બે વર્ષના યુદ્ધ પછી સંસદ અને દેશના ઉચ્ચ વર્ગના અન્ય સભ્યોને સંબોધિત કરી રહ્યા હતા. પુતિને તેમના આરોપને પુનરાવર્તિત કરતા કહ્યું કે પશ્ચિમ રશિયાને નબળું પાડવા માટેના પ્રયાસો કરી રહ્યું છે. તેમણે સૂચવ્યું હતું કે પશ્ચિમી નેતાઓ આ સમજી શકતા નથી કે રશિયાની આંતરિક બાબતોમાં તેઓની દખલગીરી કેટલી જોખમી હોઈ શકે છે. તેમણે સોમવારે ફ્રાન્સના રાષ્ટ્રપતિ ઇમેન્યુઅલ મેક્રોનના યુરોપિયન નાટો સભ્યો દ્વારા યુક્રેનમાં ગ્રાઉન્ડ ટુકડી મોકલવાના વિચારના ચોક્કસ સંદર્ભમાં તેમની ચેતવણી ઉચ્ચારી હતી. જોકે આ સૂચનને યુનાઇટેડ સ્ટેટ્સ, જર્મની, બ્રિટન અને અન્ય લોકોએ તરત જ નકારી કાઢ્યું હતું.
