Wheather Updates: છેલ્લા બે દિવસ દરમિયાન ફૂંકાયેલી તેજ હવાઓ અને માવઠાને કારણે ગુજરાતના ખેડૂતોએ મોટું નુકસાન વેઠવું પડ્યું છે. રાજ્યમાં કેસર કેરીના પાકને મોટા પાયે નુકસાન થયું છે. દક્ષિણ ગુજરાતમાં કેરી-ચીકુના પાકને મોટા નુકસાનના અહેવાલો છે. સાથે જ ઘઉંના પાકને પણ મોટા પાયે નુકસાન થયું છે. છેલ્લા 2 દિવસથી માવઠાની સ્થિતિ યથાવત રહી હતી. ભારે પવન સાથે ગાજવીજ સાથે વરસાદ વરસ્યો હતો.રાજ્યમાં 40 કિલોમીટરની પ્રતિ કલાકની ઝડપે પવન ફૂંકાયો હતો. ગુજરાતના 120 તાલુકામાં વરસાદ વરસ્યો હતો. જો કે 21 માર્ચ, એટલે કે આજથી હવે માવઠું વિરામ લેશે અને પવનનું જોર પણ ધટી જશે.
22 માર્ચથી વધુ એક સિસ્ટમ એક્ટિવ થઇ રહી છે.
ઉલ્લેખનિય છે કે 22 માર્ચથી વધુ એક સિસ્ટમ એક્ટિવ થઇ રહી છે. જેના પરિણામે વધુ એક વેસ્ટર્ન ડિસ્ટર્બન્સ આકાર લઇ રહ્યું છે. જો કે આ ડિસ્ટર્બન્સ અગાઉ કરતા નબળું હશે. પરિણામે મોટા પાયે કમોસમી વરસાદની શક્યતા ઓછી છે. જો કે આ વેસ્ટર્ન ડિસ્ટર્નબન્સની અસરથી કચ્છ સૌરાષ્ટ્ર, ઉત્તર ગુજરાતમાં ફરીથી વાદળછાયું વાતાવરણ જોવા મળશે. ગુજરાતના આ વિસ્તારમાં 27 માર્ચ સુધી વાદળછાયું વાતાવરણ રહે તેવી શક્યતા છે. આ સિસ્ટમની અસરથી ગુજરાતના કેટલાક જિલ્લામાં છૂટછવાયો હળવો વરસાદ થઇ શકે છે. હવામાન વિભાગના આંકલન મુજબ ભારે વરસાદની શકયતા ઓછું છે.
