કાબુલ, 1 (AP). ઉતાલિબાન સરકાર દ્વારા સોમવારે પૂરા પાડવામાં આવેલા આંકડા મુજબ, પૂર્વી અફઘાનિસ્તાનમાં આવેલા શક્તિશાળી ભૂકંપમાં લગભગ 800 લોકો માર્યા ગયા અને 2,500 થી વધુ ઘાયલ થયા છે. રવિવારે મોડી રાત્રે આવેલા આ ભૂકંપ પછી આજે સોમવારે પણ લોકો કાટમાળ હેઠળ પોતાના સ્વજનોને શોધી રહ્યા હતા.
રવિવારે મોડી રાત્રે 6.0 ની તીવ્રતાનો ભૂકંપ પડોશી નંગહાર પ્રાંતના જલાલાબાદ શહેર નજીક કુનાર પ્રાંતના શહેરોમાં આવ્યો હતો, જેના કારણે વ્યાપક નુકસાન થયું હતું. યુએસ જીઓલોજિકલ સર્વેએ જણાવ્યું હતું કે રાત્રે 11:47 વાગ્યે આવેલા ભૂકંપનું કેન્દ્ર નંગહાર પ્રાંતના જલાલાબાદ શહેરથી 27 કિલોમીટર પૂર્વ-ઉત્તરપૂર્વમાં હતું. તે ફક્ત 8 કિલોમીટર ઊંડાણમાં હતું. છીછરા ભૂકંપ વધુ નુકસાન પહોંચાડે છે. આ ભૂકંપ પછી ઘણા આફ્ટરશોક્સ આવ્યા હતા. ફૂટેજમાં બચાવકર્તાઓ ઘાયલ લોકોને સ્ટ્રેચર પર અને હેલિકોપ્ટરમાં લઈ જતા જોવાયા હતા.
તાલિબાન સરકારના પ્રવક્તા મુજાહિદે સોમવારે એક પ્રેસ કોન્ફરન્સમાં જણાવ્યું હતું કે મૃત્યુઆંક 800 સુધી પહોંચી ગયો છે અને 2,500 ઘાયલ થયા છે. તેમણે કહ્યું કે મોટાભાગના મૃત્યુ કુનાર પ્રાંતમાં થયા છે. અફઘાનિસ્તાનમાં ઇમારતો મોટે ભાગે નીચી છે હોય છે, બાંધકામો મોટાભાગે કોંક્રિટ અને ઈંટના બનેલા છે, ગ્રામીણ અને બહાર પડતા વિસ્તારોમાં ઘરો માટીની ઈંટો અને લાકડાથી બનેલા હોય છે અને ઘણા મકાનો નબળી બાંધણીના હોય છે. કુનારના સૌથી વધુ અસરગ્રસ્ત વિસ્તારોમાંના એક, નુરગલ જિલ્લામાં એક રહેવાસીએ જણાવ્યું હતું કે લગભગ આખું ગામ નાશ પામ્યું છે. આરોગ્ય મંત્રાલયના પ્રવક્તા શરાફત ઝમાને જણાવ્યું કે બચાવ કામગીરી ચાલી રહી છે અને કુનાર, નંગરહાર અને રાજધાની કાબુલની તબીબી ટીમો વિસ્તારમાં પહોંચી ગઈ છે.
અફઘાનિસ્તાનમાં ભૂકંપથી પ્રભાવિત લોકોને માનવીય સહાય પૂરી પાડવા માટે ભારતે તૈયારી દાખવી
નવી દિલ્હી. વડા પ્રધાન નરેન્દ્ર મોદીએ સોમવારે અફઘાનિસ્તાનમાં આવેલા ભૂકંપથી થયેલી જાનહાનિ પર ઊંડો શોક વ્યક્ત કર્યો હતો અને કહ્યું હતું કે, ભારત અસરગ્રસ્તોને શક્ય તેટલી માનવતાવાદી સહાય અને રાહત પૂરી પાડવા માટે તૈયાર છે. તાલિબાન સરકારના પ્રવક્તાએ જણાવ્યું હતું કે, અફઘાનિસ્તાનના પૂર્વમાં આવેલા ભૂકંપમાં ઓછામાં ઓછા ૬૧૦ લોકો માર્યા ગયા છે, ૧,૩૦૦ ઘાયલ થયા છે અને અનેક ગામડાંઓ નાશ પામ્યાં છે. રવિવારે મોડી રાત્રે ૬.૦ની તીવ્રતાનો ભૂકંપ પડોશી નાંગહાર પ્રાંતના જલાલાબાદ શહેર નજીક કુનાર પ્રાંતના અનેક શહેરોમાં આવ્યો હતો. મોદીએ એક્સ પર કહ્યું, ‘’અફઘાનિસ્તાનમાં આવેલા ભૂકંપથી થયેલી જાનહાનિથી ખૂબ દુઃખ થયું છે. આ મુશ્કેલ સમયમાં અમારી સંવેદના અને પ્રાર્થના શોકગ્રસ્ત પરિવારો સાથે છે અને અમે ઘાયલોના ઝડપી સ્વસ્થ થવાની કામના કરીએ છીએ.
