વડોદરા : વડોદરા શહેર ક્રાઈમ બ્રાન્ચની ટીમે ભૂતળી ઝાંપા મણિયાર મહોલ્લામાં ક્રિકેટ સટ્ટાનો જુગાર રમતા મુસ્તકીમ ઉર્ફે હેરી ને ઝડપી પાડી માજીદ શેખ નામના ઇસમને ભાગેડું જાહેર કર્યો છે. વડોદરા શહેર ક્રાઈમ બ્રાન્ચ ની ટીમને પેટ્રોલિંગ દરમ્યાન માહિતી મળી હતી કે ભૂતડી ઝાંપા મણિયાર મહોલ્લામાં બાકડા ઉપર બેસી જાહેરમાં કેટલા ઈસમો મોબાઈલ ફોનથી ક્રિકેટ સટ્ટાનો જુગાર રમાડે છે.જે ચોક્કસ બાતમીને આધારે પોલીસે રેડ કરતા મુસ્તકીમ ઉર્ફે હેરી સલીમભાઈ જંત્રાલીયા રહે.ભૂતડી ઝાંપા, મણિયાર મોહલ્લા હાલ.રહે હાલોલ મહંમદ સ્ટ્રીટ કિશોર નગરનાઓના જણાઈ આવ્યો હતો.તેની પાસે રહેલા બંને મોબાઈલ ફોનમાં તપાસ કરતા ઓનલાઇન ક્રિકેટ મેચનો હાર-જીતનો સટ્ટો રમવા માટે પોતાના પાસેના મોબાઈલ ફોનમાં લેસરબુક 247.com તથા ગોલ્ડનેક્સ ડોટ કોમ નામની વેબસાઈટમાં યુઝર આઇડી નંબર પરથી હાલમાં રમાઈ રહેલી ક્રિકેટ મેચો ઉપર રૂપિયા વડે હાર જીતનો સટ્ટો રમાડતો હોવાનું જણાય આવ્યું હતું.
જ્યારે ક્રિકેટ સટ્ટાના આઈડી બાબતે પોલીસ ટીમે તેની પૂછપરછ કરતા માજીદ શેખ રહે. મન્સૂરી કબ્રસ્તાન હાથીખાના નાઓ પાસેથી ક્રિકેટ રમવા માટે આઈડી મેળવ્યું હોવાનું તેમજ તેના સંપર્કમાં રહીને શ્રીલંકા પાકિસ્તાન વચ્ચે તેમજ ઓસ્ટ્રેલિયા ન્યુઝીલેન્ડ વચ્ચે રમાઈ રહેલી ક્રિકેટ મેચો ઉપર રૂપિયાથી હાર જીતનો ક્રિકેટનો સટ્ટો રમતો હોવાની કેફીયત વર્ણવી હતી.જેના આધારે પોલીસે મુસ્તકીમ ઉર્ફે હેરીની અટકાયત કરી 30 હજારથી વધુનો મુદ્દા માલ કબજે કર્યો હતો.જ્યારે માજીદ શેખને વોન્ટેડ જાહેર કરી કારેલીબાગ પોલીસ મથક ખાતે તેઓ વિરોધ જુગારધારા નોંધવાની આગળની કાર્યવાહી હાથ ધરી છે.
